साळ देवस्‍थानच्‍या विहिरीला हवा पंप...

ग्रामस्‍थांना पाणीटंचाईला सामोरे जावे लागत आहे.
Sal villagers need water pump for  well
Sal villagers need water pump for wellDainik Gomantak

दिलीप देसाई

साळ: ‘पिकते तिथे विकत नसते’ अशी स्थिती डिचोली तालुक्यातील साळ या गावाची आहे. येथील श्री माडवेश्वर क्षेत्रातील बंधाऱ्यातील पाणी उपसा केंद्राद्वारे पाणी उपसून आमठाणे बंधाऱ्यात सोडले जाते व तेथून ते अडवलपाल येथील जलशुद्धीकरण प्रकल्पात पोचविले जाते. तेथून शुद्धीकरण करून साळवासीयांना मुबलक पाणी नळाद्वारे पोचविले जाते. तरीसद्धा येथील ग्रामस्‍थांना पाणीटंचाईला सामोरे जावे लागत आहे.

गडेत्सव हा या गावाचा सर्वदूर प्रसिद्ध असा उत्‍सव. हा उत्सव जरी तीन रात्री असला तरी येणारे हजारो भाविक, पाहुणे, दुकानवाले येथे पाहुणचार घेतात. या सर्वांना पाण्याच्‍या टंचाईला सामोरे जावे लागते. मुख्यमंत्री डॉ. प्रमोद सावंत, मंत्री सुदिन ढवळीकर व आमदार डॉ. चंद्रकांत शेटये यांनी जातीने लक्ष देऊन जलशुद्धीकरण प्रकल्प योजना अमलात आणावी, अशी मागणी होत आहे. खालचावाडा येथील श्री भूमिका मंदिराशेजारी देवीच्या विहिरीला एक पंप होता. त्याद्वारे पूर्वी गावाला पाणीपुरवठा करण्‍यात येत होता. पण मंदिर परिसराचे सौंदर्यीकरण करतेवेळी तो काढण्यात आला. पाणीपुरवठा खात्याने येथील विहिरीचा पंप बसून ही योजना कार्यान्वित करावी, जेणेकरून अडवलपालहून साळवासीयांना पाणीटंचाई सामना करावा लागणार नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com