संदीप निगळ्‍ये अपक्ष निवडणूक लढवणार

गावडेंच्‍या प्रवेशानंतर प्रियोळ भाजप कार्यकर्त्यांचा राजीनामा
संदीप निगळ्‍ये अपक्ष निवडणूक लढवणार
Sandip Nigalye PriolDainik Gomantak

फोंडा : प्रियोळ मतदारसंघात भाजपच्या स्थानिक कार्यकर्त्याला उमेदवारी देण्याची मागणी करूनही वरिष्ठ नेत्यानी या मागणीला केराची टोपली दाखवत भाजप कार्यकर्त्यांच्या बळावर निवडून येऊन त्‍यांनाच ठेंगा दाखवणाऱ्या गोविंद गावडे यांना पक्षात प्रवेश देऊन उमेदवारी निश्चित केली आहे. त्‍याचा निषेध म्‍हणून या मतदारसंघातील भाजप कार्यकर्त्यांनी सामूहिक राजीनामा दिला आहे. (Sandip Nigalye Goa Election News Update)

Sandip Nigalye Priol
मला रोखण्यासाठीच मगोची युती : मामलेदार

दरम्यान, ‘स्वाभिमानी प्रियोळकार’तर्फे भाजपचे पूर्वाश्रमीचे ज्येष्ठ कार्यकर्ते असलेले संदीप निगळ्ये यांना या कार्यकर्त्यांनी पाठिंबा दिला असून ते अपक्ष म्हणून निवडणूक रिंगणात उतरणार असल्याचे फोंड्यात घेतलेल्या पत्रकार परिषदेत जाहीर केले. या पत्रकार परिषदेला संदीप निगळ्ये यांच्यासमवेत प्रियोळ मतदारसंघातील (Priol Constituency) भाजपचे आजी-माजी अध्यक्ष, इतर पदाधिकारी व कार्यकर्ते उपस्थित होते.

Sandip Nigalye Priol
मंत्री मायकल लोबोंचा पत्नीसह काँग्रेसमध्ये प्रवेश

भाजपच्या 90 टक्के कार्यकर्त्यांनी पक्षातील अनागोंदी पाहून या पक्षाचा त्याग केल्याचे महेश शिलकर म्हणाले. मनोहर पर्रीकर (Manohar Parrikar) यांच्यानंतर भाजपमध्ये कोणताच राम राहिलेला नाही. पं. दीनदयाळ उपाध्याय यांची तत्वे व मूल्ये खुंटीला टांगून ठेवली आहेत. आतापर्यंत प्रियोळातील भाजपच्या कार्यकर्त्यांनी प्रत्येक बाबतीत पक्षाचा आदेश मानला. आताही आम्ही मतदारसंघाबाहेरील नव्हे तर स्थानिक उमेदवार देण्याची मागणी केली, पण ती धुडकावून लावली. त्यामुळेच भाजप कार्यकर्त्यांनी सामूहिक राजीनामा देऊन निषेध कल्याचे शिलकर म्हणाले.

Sandip Nigalye Priol
'युती झाल्यास 'या' पक्षाला मिळणार चार जागा'

दरम्‍यान, शिवाजी गावडे, काशिनाथ गावडे, गजानन प्रभुगावकर, सतीश मडकईकर यांनीही विचार मांडले. इतर पक्षांनी आम्हाला पाठिंबा दिला तर तो नक्कीच स्वीकारू असेही त्‍यांनी स्‍पष्‍ट केले. प्रियोळ मतदारसंघातील मतदार आणि कार्यकते हेच माझे बळ आहे. एवढी वर्षे भाजपमध्‍ये (BJP) प्रामाणिकपणे काम केले, पण त्‍याची परतफेड अशी करण्‍यात आली. मी स्थानिक असून प्रियोळमधील नागरिकांचा मला पूर्ण पाठिंबा आहे. त्यामुळे बहुमत निश्चित आहे, असेही निगळ्ये म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com