Goa Crime News: सांगे उच्च माध्यमिक हायस्कूलचा विद्यार्थी बेपत्ता; पोलिसांचा शोध सुरु

सांगे उच्च माध्यमिक हायस्कूलच्या गणवेशात सकाळी घरातून बाहेर पडलेला विद्यार्थी 18 जानेवारीपासून बेपत्ता झाल्याची तक्रार पोलिस स्थानकात नोंदविण्यात आली आहे.
Goa Crime News |school
Goa Crime News |schoolDainik Gomantak

Goa Crime News: सांगे सरकारी उच्च माध्यमिक विद्यालयात अकरावीमध्ये शिकणारा देवरे-नेत्रावळी येथील विठू गंगो वरक हा 18 वर्षीय विद्यार्थी मंगळवार, ता.18 जानेवारीपासून बेपत्ता झाल्याची तक्रार पोलिस स्थानकात नोंदविण्यात आली आहे.

त्याच्या कुटुंबीयांनी जवळपासच्या नातेवाईक आणि मित्रपरिवाराकडे चौकशी करून पाहिली; पण कुठेही त्याचा शोध लागला नाही.

सांगे उच्च माध्यमिक हायस्कूलच्या गणवेशात सकाळी घरातून दुचाकी घेऊन बाहेर पडल्यानंतर विचुन्द्रे येथे दुचाकी पार्क करून विद्यालयाच्या बसमधून सांगेत येत असे. त्या दिवशी त्याने आपली दुचाकी नेहमीच्या जागी पार्क करून ठेवली आहे.

चावीही दुचाकीला तशीच आहे, पण बसमध्ये न जाता अन्य वाहनातून तो थेट कुडचडे बस स्थानकावर दुपारी दोनपर्यंत युवकांच्या गटात दिसला असल्याची माहिती पाहणाऱ्यांनी दिली. त्याने आपला मोबाईल स्वीच ऑफ केल्याने नेमका तो कुठे आहे, हे समजणे कठीण झाले आहे.

Goa Crime News |school
Goa News: समाजसेवेत ‘सार्थक’चे भरीव योगदान

कुटुंबीयांनी दिलेल्या माहितीनुसार घरात कोणताही वाद, तंटा झाला नाही. असे असताना घरातील मुलगा अचानक गायब होणे, हे धक्कादायक असून पोलिसांनी त्याला शोधून काढावे, अशी मागणी त्याच्या कुटुंबीयांनी केली आहे. पोलिसही त्याचा शोध घेत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com