Goa IIT: सांगे, केपे,कोटार्लीतील शेतकऱ्यांचा IIT प्रकल्पाला विरोध कायम

सांगे, केपे, कोटार्ली येथील नागरिकांनी जोरदार निदर्शने
IIT News
IIT News Dainik Gomantak

गेले काही दिवस सांगे येथील आयआयटी प्रकल्पाबाबत आरोप - प्रत्यारोपाच्या फैरी झडत आहेत. यावरुन आज सांगे, केपे, कोटार्ली येथील नागरिकांनी जोरदार निदर्शने केली. ह्या जमीनी आमच्या पुर्वजांचा ठेवा असून तो आमच्याकडेच राहीला पाहिजे असे या शेतकऱ्यांचे मत आहे.

( Sanguem Quepem cortalim farmers opposes to IIT Sanguem Project )

IIT News
Goa Tourist Places: कोरोना काळात कच खाल्लेला पर्यटन व्यवसाय; नव्याने फुलण्याची शक्यता!

पणजी येथील आझाद मैदानात सांगे, केपे, कोटार्ली येथील शेतकऱ्यांनी आज जोरदार निदर्शने केली. आमच्या शेत जमिनीतील उत्पादने जेमतेम आहेत. सांगे आणि परिसरातील नागरिक आपले पोट या शेतात कष्ट करुन भरतात. असे असताना काही लोकप्रतिनिधी मात्र याकडे दुर्लक्ष करत येथे आयआयटी सारखा प्रकल्प उभारून आमच्या जमीनी लाटण्याचा प्रयत्न करत आहेत. याला आमचा विरोध असून आमच्या जमीनी आमच्याकडेच राहूदेत असे ही ते म्हणाले.

IIT News
Goa Water Bill Hike : पाणी दरवाढ 15 दिवसांत मागे घ्या

या जमीनींमध्ये काजू, माडाची शेती आहे. या जमीनी म्हणजे आमच्या पुर्वजांचा ठेवा, आम्ही तो जपून ठेवणार आहे. आमदार सुभाष फळदेसाई यांना माहित असून ही ते या ठीकाणी आयआयटी सारखा प्रकल्प आणत आहेत ज्याला आमचा तीव्र विरोध आहे.

फळदेसाई यांनी आता काही शेतकऱ्यांना धमक्या देत विरोध मोडण्याचा प्रयत्न सुरु केला आहे. एक लोकप्रतिनिधी लोकांवर दादागिरी कसा करु शकतो. यातून फळदेसाई यांना असे काय मिळणार आहे. ज्याच्यामूळे लोकांचा विरोध असताना ही ते यावर ठाम आहेत? असा प्रश्न ही त्यांनी यावेळी विचारला.

काहीही झालं तरी आयआयटी प्रकल्प सांगेतच होणार - आमदार फळदेसाई

शेतकऱ्यांचा विरोध असताना काहीही झालं तरी आयआयटी प्रकल्प सांगेतच होणार असे सांगेचे आमदार सुभाष फळदेसाई यांनी म्हटले आहे. यावेळी बोलताना आमदार देसाई म्हणाले की, आयआयटी प्रकरणात काहीजणांकडून स्थानिकांची दिशाभूल केली जात आहे. पण स्थानिकांना विश्वासात घेत सांगेतच आयआयटी प्रकल्प करणार आहे. स्थानिकांनी भूलथापांना बळी न पडण्याचं आवाहनही सुभाष शिरोडकर यांनी केलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com