गोव्यातील आठ काँग्रेस आमदारांनी भाजपात प्रवेश केला असून राज्यात आरोप - प्रत्यारोपाच्या फैरी झडत आहेत. यावरुन आता भाजपात प्रवेश केलेल्या आमदार संकल्प आमोणकरांनी ही काँग्रेस नेत्यांवर गंभीर आरोप केले आहेत. काँग्रेस पक्षाची उमेदवारी देताना आपल्याकडून पैसे उकळल्याचे ते म्हणाले.
(Sankalp Amonkar alleges Dinesh Rao and KC Venugopal earned crores of rupees for Congress Assembly candidature)
यावेळी बोलताना आमोणकर म्हणाले की, माझ्यासोबत काँग्रेसच्या इतर 12 मतदारसंघाच्या उमेदवारांकडून काँग्रेसच्या वरिष्ट नेत्यांनी पैसे उकळले आहेत. यामध्ये दिनेश राव आणि के. सी. वेणुगोपाल यांनी हे पैसे उकळले असल्याचा आरोप केला आहे.
आमोणकर पुढे म्हणाले की, या दोघांनी यातून कोट्यावधी रुपयांची लूट केली आहे. आमोणकरांनी भाजपमध्ये प्रवेश केल्यानंतर काँग्रसेबाबत आपली दुखरी बाजू बोलून दाखवली आहे. त्यामूळे आणखी काय सल बोलून दाखवतात हे पाहणे महत्त्वाचे ठरणार आहे.
या आमदारांनी ठोकाला काँग्रेस रामराम
गोव्याचे मुख्यमंत्री प्रमोद सावंत, प्रदेश भाजप अध्यक्ष सदानंद शेट तानावडे आणि पक्षाचे इतर नेत्यांच्या उपस्थितीत काँग्रेसच्या 8 आमदारांनी भाजपमध्ये प्रवेश केला आहे.या 8 आमदारांमध्ये मायकेल लोबो, दिगंबर कामत, अलेक्सो सिक्वेरा, केदार नाईक, राजेश फळदेसाई, रुडॉल्फ फर्नांडिस, संकल्प आमोणकर, दिलायला लोबो यांचा समावेश आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
