Sankhali Municipality Election 2023: साखळीत मद्यविक्रीवर निर्बंध; बार, पब, दारू दुकाने 'या' वेळेपर्यंतच सुरू ठेवता येणार

जिल्हाधिकाऱ्यांचे आदेश; नगरपालिका निवडणुकीच्या पार्श्वभुमीवर भरारी पथके सतर्क
Sankhali Muncipal Council
Sankhali Muncipal Council Dainik Gomantak

Sankhalim Muncipal Council Election 2023: उत्तर गोव्यातील साखळी नगरपालिकेसाठी ५ मे रोजी मतदान होत आहे. निवडणुकीची घोषणा झाल्यापासूनच आचारसंहिता लागू झाली आहे. निवडणूक काळात मतदारांना लुभावण्यासाठी दारूचे आमिष दाखवले जाते. त्या पार्श्वभुमीवर आता साखळीत मद्यविक्रीवर निर्बंध लावण्यात आले आहेत.

Sankhali Muncipal Council
Charanjit Singh Channi: पंजाबच्या गोव्यातील संपत्तीचा गैरवापर; चन्नी यांच्यावर आरोप, 7 तास चौकशी

उत्तर गोवा जिल्ह्याच्या जिल्हाधिकारी मामू हागे यांनी याबाबतचे आदेश जारी केले आहेत. त्यात म्हटले आहे की, कलम 144 तसेच गोवा उत्पादन शुल्क कायदा यानुसार साखळी नगरपालिकेच्या हद्दीतील बार, पब्ज, शॉप्स, क्लब रात्री दहापर्यंतच सुरू ठेवता येतील. येथे रात्री दहापर्यंतच दारूविक्री करता येईल.

त्या वेळेनंतर दारू विक्री करताना आढळल्यास संबंधितांवर कायदेशीर कारवाई करण्यात येईल. इतर दुकाने किंवा आस्थापनांना ही नोटीस लागू नसेल. केवळ मद्यविक्रीवर या वेळेनंतर बंदी असेल. दहा नंतर दारू दुकाने सुरू ठेवता येतील, पण मद्यविक्री करता येणार नाही.

या आदेशाचे उल्लंघन केल्याचे आढळून आल्यास संबंधित बार, दुकानाचा परवाना रद्द केला जाईल. तसेच दुकान मालकावरही खटला चालवला जाईल. भरारी पथकांनी याची खातरजमा करावी, असेही या निर्देशांमध्ये म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com