गोवा फॉरवर्डचे उमेदवार संतोषकुमार सावंत पोलिसांच्या ताब्यात

डिचोली : गोवा फॉरवर्डचे उमेदवार संतोषकुमार सावंत यांना पोलिसांनी ताब्यात घेतल्याची माहिती आहे. खनिज वाहतूक रोखल्याप्रकरणी प्रतिबंधात्मक कारवाई म्हणून सावंत यांना पोलिसांनी ताब्यात घेतलं आहे. (Santosh Kumar Sawant arrested News Updates)

खनिज पैरा-शिरगाव येथे खनिज वाहतूक रोखून पोलिसांना (Police) अडथळा आणल्याप्रकरणी गोवा फॉरवर्डचे उमेदवार संतोषकुमार सावंत यांच्यासह शिरगावमधील दहाहून अधिकजणांना पोलिसांनी ताब्यात घेतले आहे. आंदोलनकर्त्यां विरोधात गुन्हाही नोंद करण्यात आल्याची माहिती हाती आली आहे.

स्थानिक ट्रकांना काम द्या, अशी मागणी करीत शुक्रवारी सकाळी संतोषकुमार सावंत यांच्या नेतृत्वाखाली शिरगाव मधील ट्रकवाल्यांनी पैरा येथे खनिज वाहतूक रोखून धरली. डिचोली (Bicholim) पोलिसांनी घटनास्थळी जाऊन आंदोलनकर्त्यांना ताब्यात घेतले. ही कारवाई करताना पोलिसांना अडथळा आणण्याचा प्रयत्न झाला. उपलब्ध माहितीनुसार पैरा येथील चौगुले खाणीवरून (Mining) मयेहून डिचोलीमार्गे सुर्ला येथे हे खनिज नेण्यात येते. बाहेरील ट्रक आणून पैरा येथील चौगुले खाणीवरील ई-लिलावाच्या खनिजाची वाहतूक करताना गेल्या महिन्यात दोन वेळा स्थानिक ट्रकवाल्यांनी खनिज वाहतूक रोखली होती.