सारमानस फेरीधक्का बनतोय कमकुवत

काँक्रीट उखडतेय, पावसाळ्यापूर्वी डागडुजी करा, प्रवाशांना अडचण
Punch Anil showing the crumbling concrete
Punch Anil showing the crumbling concrete Dainik Gomantak

डिचोली: सारमानस-टोंक जलमार्गावरील सारमानसच्या बाजूचा फेरीधक्का दिवसेंदिवस कमकुवत होत चालला असून, त्याची पावसाळ्यापूर्वी डागडुजी करावी, अशी मागणी या जलमार्गावरून नियमित प्रवास करणारे वाहनचालक आणि अन्य प्रवाशांकडून होत आहे. सारमानस-टोंक जलमार्गावरून दुचाकी आणि चारचाकी मिळून रोज शेकडो वाहने ये-जा करतात. माशेल, फोंडा, पणजी आदी भागात जाणारे कामगार आणि इतर नियमित प्रवाशांचाही आकडा मोठा असतो. सारमानस फेरीधक्का हा पिळगाव पंचायतीच्या कार्यक्षेत्रात येत आहे.

Punch Anil showing the crumbling concrete
कोळशाचा तुटवडा; 7 राज्यांमध्ये वीज खंडीत

फेरीधक्का कमकुवत

सारमानसच्या बाजूच्या फेरीधक्क्याचे काँक्रीट उखडत असून, हा फेरीधक्का कमकुवत होत चालला आहे. काही ठिकाणी लोखंडी सळ्या वरती आलेल्या आहेत. ओहोटीच्यावेळी या फेरीधक्क्याची सध्याची स्थिती स्पष्टपणे दिसून येत आहे. आठ वर्षांपूर्वी नदी परिवहन खात्याकडून या फेरीधक्क्याचा विस्तार करण्यात आला होता. त्यानंतर फेरीधक्क्याकडे दुर्लक्ष झाले आहे. अशी माहिती मिळाली आहे. सारमानस येथे फेरीबोटीतून वाहने बाहेर काढतानाच चढण आहे. त्यामुळे वाहनचालकांची कसरत होत असते. त्यातच फेरीधक्का कमकुवत होत असल्याने समस्या निर्माण होत आहेत. एखादेवेळी अनर्थ घडण्याची शक्यता नाकारता येत नाही, अशी भीती प्रवाशांकडून व्यक्त होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com