'फक्त लसीकरणासाठीच मुलांना शाळेत बोलावता येणार'

पणजी : गोव्यात सातवी ते बारावीपर्यंतचे वर्ग 26 जानेवारीपर्यंत बंद (School Closed) ठेवण्याचा आदेश राज्य सरकारने काढला आहे. याबाबत एक परिपत्रकच शिक्षण विभागाने जारी केलं आहे, ज्यात 12 पर्यंतचे वर्ग तातडीने बंद करण्याचे आदेश देण्यात आले आहेत. मात्र ऑनलाईन स्वरुपात वर्ग सुरुच राहणार आहेत.

शाळा (School) जरी बंद असल्या तरीही 15 ते 18 वयोगटातील मुलांना कोरोना प्रतिबंधात्मक लसीकरणासाठी बोलावण्याची मुभा देण्यात आली आहे. या नियमांचं पालन करण्याच्या सूचना शाळाप्रमुखांना देण्यात आल्या आहेत. सरकारी आदेशामुळे शाळेत मुलांना फक्त लसीकरणासाठीच (Vaccination) बोलावता येणार आहे.

दरम्यान शाळा बंद करण्याची मागणी गेल्या काही दिवसांपासून जोर धरत होती. तज्ज्ञ समितीनेही तशी शिफारस सरकारकडे केली होती. अखेर परिपत्रक काढत सरकारने (Goa Government) त्यासंबंधी आदेश जारी केले आहेत.