'पत्रादेवी नाक्यावर हंगामी परमिट मिळावे'

टूर अँड ट्रॅव्हल्स व्यावसायिकांची मागणी: पूर्वी धारगळ येथे मिळायची सुविधा
'पत्रादेवी नाक्यावर हंगामी परमिट मिळावे'
Goa: पत्रादेवी चेकनाकाDainik Gomantak

मोरजी: पेडणे तालुक्यातील टूर अँड ट्रॅव्हल व्यवसाय करणारी 200 हून अधिक वाहने पेडणे तालुक्यात आहेत. राज्यातून दुसऱ्या राज्यात जाण्यासाठी त्या वाहनांसाठी हंगामी परमिट देण्याची सोय धारगळ चेकनाक्यावर पूर्वी वाहतूक खाते करत होते. तीच सोय आता पत्रादेवी येथील चेकनाक्यावर करावी, अशी मागणी व्यावसायिक सिद्धेश धारगळकर आणि सुदीप शेट्ये यांनी केली आहे.

सुदीप शेट्ये म्हणाले,की एका राज्यातून दुसऱ्या राज्यात जाण्यासाठी एखाद्या वेळी अचानक कुणीतरी भाडेकरू येतो आणि भाडे ठरवत असतो. तेव्हा पूर्वी धारगळ येथे चेक नाक्यावर परमिट साठी गेलात तर त्या ठिकाणी ते परमिट मिळत असे. परंतु धारगळचा नाका बंद करून तो पत्रादेवी येथे स्थलांतरीत केलेला आहे.

Goa: पत्रादेवी चेकनाका
सांगे तालुक्यात नारळ लागवडीमुळे ऊस पीक धोक्यात

परंतु पत्रादेवी चेक नाक्यावर परमिट देण्याची सोय नसल्याने तेथील अधिकारी पेडणे वाहतूक कार्यालयात पाठवतत. परंतु पेडणे वाहतूक कार्यालय हे शनिवार, रविवारी बंद असते. अचानक एखाद्यावेळी रविवारी जर भाडे आले तर परमिट नसल्यामुळे ते स्वीकारता येत नाही. परंतु परस्पर महाराष्ट्रातील काही वाहने येऊन राज्यातील भाडे इतरत्र घेऊन जातात. त्यामुळे आमच्या व्यवसायावर संकट ओढवल्याचे सुदीप शेट्ये यांनी सांगितले.

कधी तरी एखादे भाडे मिळाले आणि ते भाडे घेताना आपल्याकडे परमिट नसेल तर ते भाडे सोडावे लागते. परंतु महाराष्ट्रातील काही खासगी टेम्पो ट्रॅव्हल्स वाहने थेट पेडणे तालुक्यात येतात आणि आमचे भाडे घेऊन जातात. त्या वाहनांना खासगी वाहनांना केवळ दहा ते बारा हजार रुपयांचा विमा भरावा लागतो. परंतु कायदेशीर टूर अँड ट्रॅव्हल व्यवसाय करणाऱ्यांना वर्षाकाठी पन्नास ते साठ हजार रुपये विमा हप्त्यापोटी भरावे लागतात,असे शेट्ये म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.