सासष्टी: चारित्र्याचा संशय घेऊन वयलेमळ सांजुझे आरियलयमध्ये गुरुवारी पत्नीचा हिचा खून करण्यासाठी पती गुलशन तिरके याने वापरलेला चाकू मायणा कुडतरी पोलिसांनी (Police) जप्त केला आहे. हा चाकू संशयिताने पत्नीचा पोटात खूपसल्यावर राहत्या भाड्याच्या घरातच लपवून ठेवला होता.
चाकूने वार करुन पत्नी बासंती तिरके (20) हिचा खून करुन फरार झालेल्या संशयिताला त्याच रात्री सांजुझे आरियल परिसरातून अटक केली होती. संशयिताने पत्नी दुसऱ्याकडे संबंध ठेवत असल्याचा संशय घेऊन हा खून केल्याची कबुली दिली असून यात किती तथ्य आहे याची चौकशी मायणा कुडतरी पोलिस करीत आहे. संशयित गुलशन तिरके याला आज रिमांडसाठी न्यायालयात हजर केले असता, त्याला न्यायालयाने सात दिवसांची पोलिस कोठडी सुनावली आहे.
जखमी अवस्थेत पडलेल्या बासंतीला शेजाऱ्यांनी त्वरित मडगाव जिल्हा इस्पितळात दाखल केले असता, तिचे निधन झाले. याप्रकरणी मायणा कुडतरी पोलिस ठाण्यात तक्रार नोंद केल्यावर पोलिसांनी संशयिताचा शोध घेण्यास सुरुवात केली. पोलिस सांजुझे आरियल परिसरात संशयिताचा शोध घेत असताना भाड्याच्या खोलीच्या दोन किलोमीटर अंतरावरुन पोलिसांनी संशयिताला ताब्यात घेतले. गुलशन हा मुळचा झारखंड येथील असून तो खाणीच्या क्रशनवर काम करीत आहे. पोलिसांनी त्याला अटक केल्यावर त्याच्या तीन वर्षीय मुलाला नातेवाईकाच्या ताब्यात केले. संशयितावर पोलिसांनी भादंसंच्या 302 कलमाखाली गुन्हा नोंद केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
