चालकाची डुलकी जीवावर बेतली; नावेलीत कारचा भीषण अपघात

कारवरील नियंत्रण सुटल्याने झालेल्या अपघातात दुबईहून परतलेल्या वृद्ध दाम्पत्याचा दुर्दैवी मृत्यू
Car Accident in Navelim Goa
Car Accident in Navelim Goa Dainik Gomantak

मडगाव : गोव्यात अपघातांचे सत्र अजूनही सुरुच आहे. आज मंगळवारी सकाळी नावेली परिसरात झालेल्या कार अपघातामध्ये एका वृद्ध दाम्पत्याचा मृत्यू झाला. हे दाम्पत्य दुबईहून आपली मुलगी व नातीसह दाबोळी विमानतळावर दाखल झाले होते. मात्र घरी परतत असतानाच काळाने त्यांच्यावर घाला घातला. वाटेत कार चालकाला डुलकी आली.

गाडीवरील त्याचे नियंत्रण गेले आणि त्याच्या कारची धडक आधी रस्त्यावरील डिव्हायडरला, नंतर रस्त्याबाजूच्या असलेल्या कुंपणाला बसली.

गोव्यात मागच्या आठवड्यापासून अपघाती मृत्यूचे प्रमाण वाढलेले असतानाच आज पहाटे नावेली येथे झालेल्या अपघातात ज्योकी रोड्रीग्स (72) आणि त्याची पत्नी लीना रोड्रीग्स (74) हे दोघे जागीच ठार झाले. या अपघातात त्यांची मुलगी जेसी रोड्रीग्स (52) व नात वेनिता नोरोन्हा (16) हे दोघे जखमी झाले असून त्यांच्यावर इस्पितळात उपचार चालू आहेत. हे चारही जण करमणे गावातील आहेत.

Car Accident in Navelim Goa
'प्रतीकात्मकता बस्स झाली, आता कृती करुन दाखवा'

हे चारही जण आज दुबईहून गोव्यात आले होते. सकाळी 5 वाजता ते दाबोळी विमानतळावर पोहोचले. त्यांना घेऊन येण्यासाठी त्यांचे जावई सातान नोरोन्हा यांनी भाड्याची मारुती इको टॅक्सी पाठविली होती. टॅक्सी चालक बेनी परेरा याने पोलिसांना दिलेल्या माहितीनुसार पहाटे 3 वाजता तो त्यांना घ्यायला चिंचोणे येथून बाहेर पडला होता. सकाळी 5 वाजता त्यांना घेतल्यावर तो परतत असताना नावेलीहून कुंकळ्ळीला जाण्याच्या वाटेवर त्याचा डोळा लागला आणि त्याने आपली गाडी बाजूच्या डिव्हायडरला ठोकली नंतर जवळ असलेल्या घराच्या कुंपणाला धडक दिली.

या अपघातात वृद्ध दाम्पत्य घटनास्थळीच ठार झाले. तर अन्य दोन जखमींना 108 रुग्णवाहिकेतून हॉस्पिसियो इस्पितळात दाखल केले. या प्रकरणात टॅक्सी चालकावर गुन्हा नोंद करण्यात आला असून या प्रकरणी उपनिरीक्षक विश्वजीत ढवळीकर हे तपास करत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com