साळ मध्ये शनिवारी व रविवार दि.6 मार्च रोजी पाण्याची टंचाई समोर आली. गडेत्सवाच्या तयारीत असलेल्या साळवासीयांना पाणीटंचाईला सामोरे जावे लागत असल्याने महिलांनी संताप व्यक्त केला आहे.
साळ गावातील गृहिणी उत्सवासाठी घरात साफसफाई करत आहेत. पण पाणीच न मिळाल्याने कामे अडून राहिली. ऐन उत्सवावेळी पाणीटंचाई ओढवली आहे. श्री भूमिका मंदिराच्या सभा मंडपात आमदार डॉ. चंद्रकांत शेटये यांच्या अध्यक्षतेखाली सर्व खात्याच्या अधिकाऱ्यांच्या बैठकीत साळ ग्रामस्थांनी पाणी प्रश्न उपस्थित केला होता.
अधिकाऱ्यांसमवेत घेतलेल्या बैठकीत आमदार शेटये यांनी पाणीटंचाई होऊ नये, यासाठी अधिकाऱ्यांना सूचित केले होते. पण तरीही पाणीप्रश्‍न न सुटल्याने ग्रामस्थांत नाराजी आहे.
साळमध्ये पडोसे व अडवल अस्नोडा पाणी प्रकल्पातून पाणीपुरवठा होतो. आज मेणकुरे टाकीतून होणारा पाणीपुरवठा पूर्णपणे बंद झाल्यामुळे अर्धा गाव पाणीटंचाई ग्रस्त होता,त्यातच पडोसे मार्गे येणारी जलवाहिनी मध्येच फुटल्याने तोही पाणी पुरवठा बंद झाला आहे.
त्यामुळे संपूर्ण गावच आता पाण्यापासून वंचित झाला आहे. पाणीप्रश्‍नी लक्ष घालून मुख्यमंत्री डॉ. प्रमोद सावंत, आमदार डॉ. चंद्रकांत शेट्ये व जिल्हा पंचायत सदस्य संजय शेटये यांनी सोडवावा, अशी मागणी होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.