Sexual Assault Case : लैंगिक अत्याचार प्रकरणातील अक्षयानीचा जामीन फेटाळला

पणजी पोलिसांचा तपास सुरू असताना संशयिताने जामिनासाठी जिल्हा व सत्र न्यायालयात अर्ज केला होता.
Sexual Assault Case
Sexual Assault CaseGomantak Digital Team

पणजी : अल्पवयीन मुलीचे अपहरण करून लैंगिक अत्याचार केल्‍याप्रकरणी संशयित अक्षयानी पुरेशेठी रंगय्या याने जामिनासाठी केलेला अर्ज मागे घेतला. संशयिताने अर्ज मागे घेतल्याने तो फेटाळण्यात येत असल्याचे जिल्हा व सत्र न्यायालयाने आदेशात नमूद केले आहे. पणजी पोलिसांनी त्‍याच्‍याविरोधात आरोपपत्र दाखल केले होते.

पणजी पोलिसांनी संशयिताला 4 मार्च 2023 रोजी अटक केली होती. त्याच्याविरोधात भादंसंच्या कलम 363 व 377 तसेच बालकायदा कलम 8 तर पोक्सो कायद्याखाली 4,8,12 व 21 कलमांखाली गुन्हा दाखल केला होता. पोलिस कोठडी संपल्यानंतर त्याची रवानगी न्यायालयीन कोठडीत करण्यात आली होती. पणजी पोलिसांचा तपास सुरू असताना संशयिताने जामिनासाठी जिल्हा व सत्र न्यायालयात अर्ज केला होता.

Sexual Assault Case
Vastu Tips: घरात कोणत्या दिशेला ठेवावं गंगाजल? वाचा वास्तुशास्त्र काय सांगत?

‘त्याच्याविरोधात दाखल करण्यात आलेला गुन्हा खोटा असून त्याला या गुन्ह्यात अडकवण्यात आलेले आहे. तो निष्पाप असून त्याने गुन्हा केलेला नाही. गेली अनेक वर्षे तो गोव्यात वास्तव्यास असून त्याचा गोव्यात मूळ पत्ता आहे. त्याच्याविरुद्ध यापूर्वी कोणताच गुन्हा नोंद झालेला नाही. सध्या तो न्यायालयीन कोठडीत असल्याने पोलिसांना तो चौकशीसाठी नको आहे. जामिनावर सुटल्यावरही संशयित पोलिसांना तपासकामात सहकार्य करण्यास तयार आहे. न्यायालय ज्या अटी घालील त्याची पूर्तता करण्याची तयारी आहे’’ असे संशयिताने अर्जात नमूद केले होते.

Sexual Assault Case
Fast and Furious 10 collection Day 3 : फास्ट अँड फ्युरीअस बॉक्स ऑफिसवरही ठरला फास्ट...तिसऱ्या दिवशी केली छप्परफाड कमाई....

न्यायालयाने पणजी पोलिसांना यासंदर्भात नोटीस पाठवून त्यावरील सुनावणी पुढे ढकलली होती. पोलिसांनी त्याच्या अर्जाला विरोध केला होता. दरम्यान, संशयित कोठडीत असल्याने पोलिसांनी तीन महिने पूर्ण होण्यापूर्वीच न्यायालयात त्याच्याविरुद्ध आरोपपत्र दाखल केले होते. त्यामुळे संशयिताने जामिनासाठीचा अर्ज मागे घेत असल्याचे न्यायालयाला सांगितले. न्यायालयाने तो मागे घेण्यास संमती देताना तो फेटाळत असल्याचे आदेशत म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com