सुका मेवा खायला देण्याच्या बहाण्याने 8 वर्षीय मुलीवर बलात्कार

Goa Rape Case | या प्रकरणी पोलिसांनी फिरोज समशुद्दीन अब्दुल अन्सारी या 18 वर्षीय युवकाला अटक केली आहे.
Goa Rape Case
Goa Rape CaseDainik Gomantak

मडगाव : सुका मेवा खायला देतो असे सांगून एका 8 वर्षाच्या मुलीला अडगळीच्या ठिकाणी नेऊन तिच्यावर बलात्कार केल्याची घटना मायणा पोलीस स्थानकाच्या हद्दीत घडली आहे. मागच्या चार दिवसात या पोलीस स्थानकाच्या हद्दीत अल्पवयीन मुलीवर झालेल्या बलात्काराची ही दुसरी घटना उजेडात आली आहे. (Sexual Assault on 8 year old girl in goa )

Goa Rape Case
पेडणे मासळी मार्केटच्या दुरुस्तीचे काम सुरू

या प्रकरणी पोलिसांनी फिरोज समशुद्दीन अब्दुल अन्सारी या 18 वर्षीय युवकाला अटक केली आहे. संशयित त्या मुलीचा शेजारी असून 30 मे रोजी ही घटना घडली होती. सुका मेवा खायला देण्याच्या बहण्याने त्याने त्या पीडितेला नेसाय येथील निर्जन स्थळी नेऊन बलात्कार केला.

या घटनेची त्या मुलीच्या घरच्यांना माहिती मिळाल्यानंतर काल रात्री त्यांनी पोलिसांत तक्रार दिली. यावरून आज त्या संशयिताला अटक करण्यात आली आहे. या प्रकरणी उपनिरीक्षक दीपा देयकर पुढील तपास करीत आहेत.

यापुर्वी याच पोलीस ठाण्याच्या हद्दीत जगदीश मुदलकर या 31 वर्षीय इसमाने एका 13 वर्षीय मुलीवर बलात्कार केल्याचे प्रकरण उघडकीस आले होते. या प्रकरणी त्याला अटक केल्यानंतर जामीन मिळावा यासाठी त्याने बाल न्यायालयात अर्ज केला होता. मात्र त्याचा अर्ज फेटाळून लावण्यात आला. त्यानंतर त्याला न्यायालयासमोर सादर केले असता त्याच्या पोलीस कोठडीचा रिमांड आणखी चार दिवसांनी वाढवून दिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com