फोंडा नगराध्यक्षपदी शांताराम कोलवेकर यांची निवड  

फोंडा: फोंडा(ponda) नगराध्यक्षपदी(Mayor) शांताराम कोलवेकर(Shantaram Kolvekar) यांची निवड करण्यात आली आहे. फोंडा पालिकेच्या नगराध्यक्षपदासाठी काल  नगरसेवक रितेश नाईक व शांताराम कोलवेकर या दोघांचे उमेदवारी अर्ज दाखल केले होते. सुरवातीला रितेश नाईक व त्यानंतर शांताराम कोलवेकर यांनी आपापले अर्ज पालिका मुख्याधिकारी प्रदीप नाईक यांच्याकडे सुपूर्द केले होते. मात्र रितेश नाईक यांना माजी नगराध्यक्ष विश्‍वनाथ दळवी यांनी सूचक म्हणून, तर नगरसेवक आनंद नाईक यांनी अनुमोदन केले होते. शांताराम कोलवेकर यांना माजी नगराध्यक्ष प्रदीप नाईक यांनी सूचक तर नगरसेविका जया सावंत यांनी अनुमोदन दिले. (Shantaram Kolvekar is new mayor of ponda) 

COVID19 Goa: रुग्ण जमिनीवर पडून, बेड कधी मिळणार?: न्यायालयाचा सवाल

फोंडा नगराध्यक्षपदासाठी काल सकाळी अकरा वाजता निवडणूक झाली दोघांपैकी कोण मागे घेतो, की सरळ लढत होते, हे निवडणुकीवेळीच कळले. दरम्यान, आमदार रवी नाईक यांचे पुत्र नगरसेवक रितेश नाईक तसेच आनंद नाईक व विलियम आगियार अशा तिघाजणांनी भारतीय जनता पक्षात प्रवेश केल्यानंतर अंतर्गत करार झाला होता, त्यानुसार रितेश नाईक यांनी नगराध्यक्षपदासाठी उमेदवारी अर्ज दाखल केला असल्याचे सांगण्यात आले होते.

COVID19 Goa: गोव्यातल्या घरोघरी जाऊन वाटणार 'आयव्हरमेक्‍टिन’च्‍या गोळ्या...

भाजपमध्ये बंडाळी, की नवी चाल..!

फोंडा नगराध्यक्ष निवडणुकीत भारतीय जनता पक्षातच बंडाळी उफाळून आल्याचे स्पष्ट झाले आहे. रितेश नाईक यांनी सुरवातीला नगराध्यक्षपदासाठी उमेदवारी अर्ज दाखल केल्यानंतर फोंडा भाजप मंडळाचे अध्यक्ष शांताराम कोलवेकर यांनीही आपला उमेदवारी अर्ज दाखल केल्याने फोंड्यात भाजपमध्येच फूट पडल्याचे स्पष्ट झाले होते. विशेष म्हणजे रितेश नाईक यांच्या अर्जावर भाजपचे माजी नगराध्यक्ष विश्वनाथ दळवी यांनी सूचक म्हणून सही केली होती, तर शांताराम कोलवेकर यांच्या अर्जावर मगोचे माजी नगराध्यक्ष प्रदीप नाईक यांनी सही केली होती. आमदार रवी नाईक यांना शह देण्यासाठी भाजपने केलेली चाल आहे, याबाबत मात्र फोंड्यात चर्चा रंगत आहे.