मापा पंचवाडी येथे दुचाकीचा अपघात झाला असून या अपघातात सांगेचा युवक ठार झाला असल्याची माहिती समोर आली आहे. युवकाचा दुचाकीवरील ताबा सुटल्याने हा अपघात घडल्याचे काही प्रत्यक्षदर्शींनी सांगितले आहे.
( Shashi Gaonkar dies in accident at Mapa Panchwadi )
मिळालेल्या माहिती नुसार सांगे येथील शशी गावकर (वय 25) हा सावर्डे तालुक्यातील पंचवाडी मुख्य मार्गाने प्रवास करत होता. या प्रवासादरम्यान मापा (Mapa Panchwadi ) येथे आला असता गावकर याचा अपघात झाला. या अपघातात गावकर याचा दुचाकीवरील ताबा सुटला त्यामूळे दुचाकी मुख्य मार्ग सोडत मार्गालगतच्या खड्ड्यात वेगाने आदळली. यात तो गंभीर जखमी झाला.
अपघात घडताच मार्गावरील वाहनचालकांनी गावकर याला जवळच्या रुग्णालयात उपचारासाठी दाखल केले. मात्र गावकर याचा त्यापुर्वीच मृत्यू झाला होता. प्रत्यक्षदर्शींनी दिलेल्या माहितीनुसार अपघातावेळी गावकर याच्या दुचाकीचा वेग अधिक असल्याने त्याचा गाडीवरील ताबा सुटला आणि यामुळेच तो खड्ड्यात जोराने आदळल्याची माहिती दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
