Goa Shigmotsav 2023: न्हयबाग, पेडणे येथे आज संध्याकाळी भाविकांच्या उपस्थितीत सतीया देवीच्या प्रांगणात बारा गावची बारा रोमटे दाखल होताच ढोल ताशांच्या साथीत पारंपरिक गीते म्हणत व रोमटामेळ तालगडी, घुमटवादन व गुलाल उधळत शिगमोत्सव साजरा करण्यात आला.
महिलांनी सतीया देवीची ओटी भरली. तर भाविकांनी देवीला श्रीफळ व पुष्पहार अर्पण केले. सात दिवसांपूर्वी होळी घालून व हळदुण्याने शिगमोत्सवाला प्रारंभ झाला होता.
सातव्या दिवशी प्रधेनुसार मालपे येथील श्री मुळवीर भुतवाडी, अमई, वळपे, सरमळे येथील माऊली, पणशीवाडा, पराष्टे, नानेरवाडा, रवळनाथ पेडणे, न्हयबाग, पोरस्कडे व खाजने व इतर मिळून एकूण बारा रोमटे येथे दाखल होताच गुलाल उधळण्यात आला.
गुलाल उधळल्याने संपूर्ण परिसर गुलाबी झाला होता. शेवटी गाऱ्हाणे झाल्यावर सात दिवसीय शिगमोत्सवाची सांगता झाली. यावेळी गोव्यासह जवळच्या सिंधुदुर्ग जिल्ह्यामधील भाविकही मोठ्या संख्येने उपस्थित होते.
आमदारही आनंदोत्सवात सहभागी
आमदार प्रवीण आर्लेकर हेही न्हयबागच्या शिगमोत्सवात सहभागी झाले होते.शिगमोत्सवाच्या त्यांनी सर्वांना शुभेच्छा दिल्या.त्यांच्या हितचिंतकांनी त्यांना गुलाल फासला तर आमदार आर्लेकर यांनीही लोकांवर गुलाल उधळून शिगमोत्सवाचा आनंद लुटला व सतीया देवीला गाऱ्हाणे घातले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
