Goa Shigmotsav 2023 : नार्वेत तब्बल 25 वर्षांनंतर साजरा होतोय शिगमोत्सव

गावात आनंदाचे वातावरण निर्माण झाले आहे
 Shigmotsav
Shigmotsav Dainik Gomantak

Goa Shigmotsav 2023 : डिचोली तालुक्यातील नार्वे गावात तब्बल 25 वर्षांनंतर यंदा शिगमोत्सव पाहायला मिळणार आहे. त्‍यामुळे गावात आनंदाचे वातावरण निर्माण झाले आहे.

गावातील देऊळवाडा, मुर्डीवाडा, तारवाडा, गावकरवाडा या चारही वाड्यांवरील लोकांनी विशेषत: युवकांनी पुढाकार घेऊन श्री शांतादुर्गा कणकेश्वरी देवीकडे प्रसाद घेतला. देवीने सकारात्मक कौल दिल्याने शिगमोत्सवाचा मार्ग मोकळा झाला.

 Shigmotsav
Haath Se Haath Jodo Yatra : राज्याच्या भवितव्यासाठी भाजपला सत्ताभ्रष्ट करा!

काही कारणास्तव सुमारे 25 वर्षांपूर्वी नार्वे गावातील पारंपरिक शिगमोत्सव बंद झाला होता. तो पुन्हा सुरू करण्याचे अधूनमधून प्रयत्नही झाले, पण त्यात यश आले नव्‍हतं. शिगमोत्सवात नारळ फोडण्याची परंपरा आहे, जी नुकतीच 1 मार्चला पार पडली.

गडे उत्सव आज शनिवारी मध्यरात्री सुरू झाला आणि तो सोमवार दि. 6 तारखेपर्यंत चालणार आहे. त्‍या दिवशी होळी साजरी केली जाईल.

"तब्‍बल 25 वर्षांनंतर नार्वे गाव शिगमोत्सवात न्हाऊन निघत आहे आणि प्रत्येकासाठी हा आनंददायी अनुभव आहे. गावात उत्‍साही वातावरण आहे. नववधूंसह सर्व लोक या क्षणाची आतुरतेने वाट पाहत होते. हे केवळ देवीच्या आशीर्वादामुळेच शक्य झाले."

- संदेश पार्सेकर, नार्वेचे ग्रामस्थ

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com