गोव्यात शिवसेना-राष्ट्रवादी एकत्र लढणार, काँग्रेसलाही सोबत येण्याचं संजय राऊतांच आवाहन

जर वेगवेगळे लढलो तर भाजपला याचा नक्कीच फायदाच होणार; संजय राऊत
गोव्यात शिवसेना-राष्ट्रवादी एकत्र लढणार, काँग्रेसलाही सोबत येण्याचं संजय राऊतांच आवाहन
Shiv Sena Sanjay RautDainik Gomantak

राज्यातील सर्वच राजकीय पक्षांनी विधानसभा निवडणुकीची तयारी सुरु केली आहे. राज्यात पुन्हा भाजपची सत्ता आणण्यासाठी राज्यातील नेतृत्व निकराने प्रयत्न करत आहे. तर दुसरीकडे भाजपचा पराभव करण्यासाठी तृणमुलसह इतर राजकीय पक्षांनी मोट बांधली आहे. अशातच शिवसेना नेते संजय राऊत यांनी गोव्यात शिवसेना (Shiv Sena) आणि राष्ट्रवादी एकत्र लढणार असल्याचे मत त्यांनी व्यक्त केले आहे, तसेच गोव्यात काँग्रेसलाही सोबत येण्याचं आवाहन यावेळी संजय राऊत (Sanjay Raut) यांनी केले आहे.

Shiv Sena Sanjay Raut
कोरोना काळात गोव्यात निवडणूक: ही आहे नियमावली

दरम्यान, गोव्यात (Goa) भाजपचं सरकार बनणार नाही. आजपर्यंतचा भाजपचा तसा इतिहास राहिला आहे, मात्र जर वेगवेगळे लढलो तर भाजपला याचा नक्कीच फायदाच होणार, त्यामुळ काँग्रेसने सोबत यावं, यासाठी राहुल गांधींसोबत चर्चा करून योग्य तो निर्णय घेणार असल्याच देखील यावेळी ते बोलले. त्याचबरोबर एकत्र येण्यासाठी स्थानिक नेत्यांनी निर्णय घ्यावा असाही निर्वाणीचा सल्ला त्यांनी यावेळी नेत्यांना दिला आहे.

उत्तर प्रदेशसह पाच राज्यांच्या निवडणुकांच्या (Election) तारखांची घोषणा आज निवडणूक आयोगाने (Election Commission) केली आहे. उत्तर प्रदेशच्या निवडणुका सात पार पडणार आहेत. तर पंजाब गोवा, उत्तराखंड राज्याच्या निवडणुका एकाच टप्प्यात पार पडणार आहेत. 10 मार्च रोजी निवडणुकीचा निकाल लागणार आहे. कोरोना महासाथीच्या पार्श्वभूमीवर होणाऱ्या पाच राज्यांच्या निवडणुकांमध्ये निवडणूक आयोगाने निर्बंध लागू केले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com