होळी उत्सवानिमित्त कर्नाटक राज्यातून भाजीची आवक झाली नसल्याने बुधवारी डिचोलीत साप्ताहिक बाजारात भाज्यांचा तुटवडा दिसून येत होता. ऐन शिगमोत्सवात भाज्यांचा तुटवडा निर्माण झाल्याने ग्राहकांची मोठी गैरसोय झाली.
भाजीच्या तुटवड्यामुळे बाजारावरही परिणाम झाला. भाज्यांचा तुटवडा असल्याने पालेभाज्यांचे दर काहीसे वाढले होते. कांदा, बटाटे आणि अन्य भाज्यांचे दर मात्र स्थिर होते. होळी उत्सवानिमित्त काल कर्नाटकातील बहूतेक व्यवहार बंद होते अशी माहिती मिळाली आहे.
दरम्यान, कर्नाटकातून भाज्यांची आवक सुरू झाली असून गुरुवारपासून स्थिती पूर्वपदावर येणार असल्याचे संकेत विक्रेत्यांकडून मिळाले आहेत.
ग्राहकांची वर्दळही कमीच : शिगम्यामुळे बुधवारी आठवडी बाजार फुलणार असा अंदाज होता. मात्र भाज्यांचा तुटवडा होता. बाजारात जी भाजी उपलब्ध होती त्यातील बरीचशी ताजी टवटवीत नव्हती. अपेक्षेप्रमाणे आज दिवसभर बाजारात ग्राहकांची गर्दीही दिसून आली नाही.
सायंकाळी मात्र ग्राहकांची बऱ्यापैकी वर्दळ दिसून येत होती. बहुतांश ग्राहक परप्रांतीय मजूर लोकच होते. शिगमोत्सवामुळे बहुतेकांना घराबाहेर पडणे शक्य झाले नाही. त्यामुळे बाजारात ग्राहकांची वर्दळ कमी दिसली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.