संतापजनक: दुभत्या म्हशींवर झाडल्या गोळ्या
दुभत्या म्हशींवर झाडल्या गोळ्या Dainik Gomantak

संतापजनक: दुभत्या म्हशींवर झाडल्या गोळ्या

खाण्यासाठी फार्ममध्ये घुसलेल्या चार दुभत्या म्हशींवर गोळ्या झाडण्यात आल्याचा संशय व्यक्त होत आहे.

सांगे : माणसातील संवेदना हरविली की काय, असा प्रश्न उगेतील घटनेने उपस्थित झालाय. चारा खाण्यासाठी फार्ममध्ये घुसलेल्या चार दुभत्या म्हशींवर (buffalo) गोळ्या झाडण्यात (Shots fired) आल्याचा संशय व्यक्त होत आहे. तीन म्हशी जागीच ठार झाल्या. एक जखमी अवस्थेत बागायतीत सापडली. ही घटना शुक्रवारी (ता. 6) रात्री घडली. या घटनेने शेतकऱ्यांत संतापाची लाट पसरली याची सांगे पोलिसांनी कसून चौकशी करण्याची मागणी केली आहे. अशी क्रूर घटना सांगे भागात प्रथमच घडली. ज्याच्या या म्हशीं होत्या त्या शेतकऱ्याने कर्ज काढून घेतल्या होत्या. (Shots fired on buffaloes in goa)

म्हशींना गोळ्या घालून बागायतीतच ठार मारल्याची तक्रार वालंकिणी सांगे येथील जानू यमकर यांनी केली. तीन दुभत्या म्हशी बोबडं उगे येथील बाबू नाईक यांच्या फार्ममध्ये आढळल्या तर एक म्हैस जखमी अवस्थेत सापडली.

दुभत्या म्हशींवर झाडल्या गोळ्या
Goa: शिवनाथ बनला मित्राच्या आईसाठी देवदूत..!

कर्ज काढून घेतल्या होत्या म्हशी

जानू यमकर या गरीब शेतकऱ्याने कर्ज काढून चार म्हैशी घेतल्या होत्या. त्याची आर्थिक स्थितीही नाजूक आहे. हा शेतकरी प्रचंड हवालदिल झाला आहे. त्याला सरकारने लवकरात लवकर नुकसान भरपाई द्यावी, अशी मागणी केली जात आहे. दुसरीकडे, स्थानिक पंच माया जांगळे यानी या घटनेची सांगे पोलिसांनी कसून चौकशी करून दोषींवर कारवाई करण्याची मागणी केली आहे.

दुभत्या म्हशींना गोळ्या घालून मारण्यात आले असा समज पसरला असला तरी या मृत म्हशींची शवचिकित्सा केली असता त्यांच्या शरीरात गोळ्या सापडल्या नाहीत. त्या म्हशींच्या मालकानेही कुणावर थेट संशय व्यक्त केलेला नाही. त्यामुळे कुणालाही अटक केलेली नाही.

- सचिन पन्हाळकर, सांगे पोलिस निरीक्षक

Related Stories

No stories found.
Dainik Gomantak | दैनिक गोमन्तक
www.dainikgomantak.com