Construction In Goa: हणजूणमध्ये 58 बांधकामांवर ‘संक्रांत’!

275 नोटिसांपैकी 71 निकाली; जीटीडीसीच्‍या जागेत 13 बेकायदा बांधकामे
Construction In Goa
Construction In GoaDainik Gomantak

Illegal Construction In Goa: हणजूण पंचायत क्षेत्रातील सीआरझेड भागामधील 275 बेकायदा बांधकामांना कारणे दाखवा नोटिसा बजावण्यात आल्या आहेत. त्यापैकी 71 बांधकामांच्या दस्तावेजांची छाननी केल्यानंतर 45 बांधकामे बेकायदा आढळून आली तर 26 अधिकृत आहेत. उर्वरित 204 बांधकामांची तपासणी केली जाईल. गोवा पर्यटन विकास महामंडळाच्‍या जागेवर सुमारे बेकायदा 13 बांधकामे आहेत.

ती पाडण्याचा आदेश जारी झाल्यापासून दहा दिवसांच्या आत ती पाडली जातील, अशी माहिती हणजूण पंचायतीने मुंबई उच्च न्यायालय गोवा खंडपीठाला दिली. पुढील कारवाईचा अहवाल सादर करण्यासाठी स्वेच्छा याचिकेवरील सुनावणी 7 फेब्रुवारीपर्यंत तहकूब करण्यात आली.

हणजूण समुद्रकिनारी रेतीच्या जागेवर बेकायदा बांधकाम केल्याचे उघडकीस येऊन ते पाडण्याचा आदेश दिल्यानंतर उच्च न्यायालयाने हणजूण पंचायतीला सीआरझेड परिसरामध्ये बांधण्यात आलेल्या बांधकामांचा सर्व्हे करून बेकायदा बांधकांमाविरुद्ध कारवाई करण्याचे आदेश 6 डिसेंबर 2022 रोजी दिला होता.

Construction In Goa
Sand Smuggling: कारवाई केली तर तक्रार दाखल का नाही?

तसेच त्याचा अहवाल सादर करण्यास सांगितले होते. त्यानुसार हणजूण पंचायतीने अहवाल सादर केला. गोवा खंडपीठाने दिलेल्या निर्देशानुसार बेकायदा बांधकामांची तपासणी करण्यास समिती स्थापन करण्यात आली आहे. सीआरझेड भागातील बांधकामांना कारणे दाखवा नोटिसा देण्यात आल्या आहेत.

ज्यांच्याकडे अधिकृत परवानगी आहे त्यांना बजावलेल्या नोटिसा रद्द करण्यात आल्या आहेत तर ज्यांच्याकडे नाहीत त्यांच्याविरुद्ध कारवाईच्या प्रक्रियेसाठी पावले उचलण्यात आली आहेत. नोटिसा बजावलेल्या 204 बांधकामांच्या दस्तावेजांची छाननी सध्या सुरू आहे.

Construction In Goa
Goa Petrol-Diesel Price : गोव्यातील इंधनाच्या दरात किरकोळ बदल; जाणून घ्या आजचे पेट्रोल - डिझेलचे दर

जीटीडीसीच्‍या जागेत 13 बेकायदा बांधकामे

हणजूण पंचायत क्षेत्रात किनारपट्टी भागात गोवा पर्यटन विकास महामंडळाचीही जागा आहे. या जागेत अतिक्रमण करून काहींनी अनधिकृत बांधकामे केली आहेत.

अशी सुमारे 13 बांधकामे आढळून आली आहेत. त्यांना बांधकामे हटवण्याची नोटिसा बजावल्या जातील नाही तर महामंडळातर्फे ती पाडली जातील असे महामंडळच्या वतीने ॲडव्होकेट जनरल देविदास पांगम यांनी सांगितले.

उच्च न्यायालयाने हणजूण पंचायत, जीसीझेडएमए तसेच महामंडळाला बेकायदा बांधकामाविरुद्ध केलेल्या कारवाईची माहिती येत्या 3 फेब्रुवारीपर्यंत प्रतिज्ञापत्राद्वारे सादर करावी असे निर्देश दिले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com