‘जांबावली’च्या मतदानास राज्याबाहेरील महाजनही पात्र

सात दिवसांत मतमोजणीचे गोवा खंडपीठाचे आदेश
Shri Damodar Sansthan Samiti, Zambaulim, Vasco - Goa.
Shri Damodar Sansthan Samiti, Zambaulim, Vasco - Goa.Pradip Naik / Dainik Gomantak

मडगाव : जांबावली येथील श्री रामनाथ दामोदर देवस्थान निवडणुकीत गोवा राज्याबाहेरील महाजन देखील मतदानास पात्र असल्याचा महत्त्वपूर्ण निर्णय शुक्रवारी ( 29 जुलै) मुंबई उच्च न्यायालयाच्या गोवा खंडपीठाने दिला. शिवाय या निवडणुकीत झालेल्या मतांची मोजणी सात दिवसांत करा असा आदेशही कोर्टाने मामलेदारांना दिला.

पूर्वी आक्षेप याचिकेवर खंडपीठाने अंतरिम आदेश देताना राज्यातील आणि राज्याबाहेरील सर्व महाजनांना वेगवेगळे मतदान करण्याचा आदेश देत अंतिम आदेश येइपर्यंत ही मते वेगवेगळी ठेवण्यात यावीत असे सांगितले होते. न्यायालयाने राज्याबाहेरील महाजनांनाही मतदानाचा हक्क आहे हे स्पष्ट करीत सात दिवसांत आधी केलेल्या मतदानाची मतमोजणी करावी असा आदेश मामलेदारांना देताना निकाल लागल्यावर पाच दिवसांत नव्याने निवडून आलेल्या समितीकडे ताबा द्यावा, असे सांगितले.

Shri Damodar Sansthan Samiti, Zambaulim, Vasco - Goa.
झुआरी अपघातामागे हलगर्जीपणा की बेसावधपणा?

गोव्यात स्थायिक नसलेल्या महाजन यांना महाजनी कायद्यानुसार मतदानाचा अधिकार नाही असा आक्षेप रौनक कामत बांबोळकर व निषाद हेगडे देसाई या दोन महाजनांनी घेतला होता. त्यानंतर जांबावली देवस्थान समितीने राज्याबाहेरील 2354 महाजनांचा मतदानाचा हक्क काढून घेतला.

या निर्णयाला रामनाथ शानभाग आणि इतर 14 राज्याबाहेरील महाजनांनी उच्च न्यायालयात आव्हान दिले होते. गेली 30 वर्षे आपण मतदान करत आलो आहोत हा त्यांचा दावा होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com