सिली सोल्स प्रकरणी नवा खुलासा! हॉटेलचा FDI परवाना स्मृती इराणी यांच्या पतीच्या नावे

माहिती अधिकार कार्यकर्ते आयरिश रॉड्रिग्ज यांनी याबाबत माहिती दिली आहे.
Silly Souls Café and Bar | Smriti Irani
Silly Souls Café and Bar | Smriti IraniDainik Gomantak

आसगाव येथील वादग्रस्त बनलेल्या सिली सोल्स बार आणि रेस्टॉरंट (Silly Souls Bar And Restaurant) प्रकरणात आता एक नवा खुलासा समोर आला आहे. हॉटेलसाठीचा अन्न आणि औषध परवाना केंद्रीय मंत्री स्मृती इराणी (Smriti Irani) यांचे पती झुबिन इराणी (Zubin Irani) यांच्या भागिदारी असलेल्या कंपनीच्या नावे आहे. अशी माहिती सिली सोल्स प्रकरणी तक्रार करणारे माहिती अधिकार कार्यकर्ते आयरिश रॉड्रिग्ज (Aires Rodrigues) यांनी म्हटले आहे.

आयरिश रॉड्रिग्ज म्हणाले, सिली सोल्स कॅफे आणि बार हे हॉटेल, आसगाव मधील सर्वे क्रमांक 236/22 अंतर्गत सर्वेक्षण केलेली मालमत्तेत असून अँथनी डिमागा यांच्या नावावर आहे. 01 जानेवारी 2021 पासून ती पन्नास हजार रूपयांच्या मासिक भाड्यावर झुबिन इराणी यांच्या भागिदारीत असलेल्या एइटोल फूड अँड बेव्हरेजेस एलएलपी यांना भाड्यावर देण्यात आली. यासाठी लागणारे विविध परवाने ही याच कंपनीच्या नावाने मागविण्यात आले असून, ही भागिदारीतील कंपनी केंद्रीय मंत्री स्मृती इराणी यांचे पती झुबिन इराणी यांच्या नावावर आहे. यापूर्वी स्मृती इराणी यांनी हे हॉटेल आपल्या मुलीचे नाही असा दावा केला होता.

सध्या या हॉटेलसाठी मिळालेला अबकारी परवान्याबाबत राज्य सरकारची अबकारी खात्याकडे सुनावणी सुरू आहे. या हॉटेलच्या विरोधात आसगाव पंचायत, पंचायत संचालनालय, नगर नियोजन यासह महसूल विभागाकडे तक्रार करण्यात आली आहे. अबकारी खात्याकडे केलेल्या तक्रारीवर 12 सप्टेंबर रोजी सुनावणी होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com