सिकेरी-आग्वाद टेकडीवरील ऐतिहासिक सेंट लॉरेन्स चर्चवर कोसळली वीज

वीज कोसळल्याने चर्चच्या बाजूचा एका बुरुज कोसळला
Sinquerim church tower collapsed due to lightning
Sinquerim church tower collapsed due to lightning Dainik Gomantak

म्हापसा : गोव्यातील (Goa) सिकेरी - आग्वाद टेकडीवरील ऐतिहासिक सेंट लॉरेन्स चर्चवर (Chruch) वीज कोसळल्याने चर्चचा काही भाग कोसळला आणि चर्चचे अंशतः नुकसान झाले. ही घटना शनिवारी रात्री घडली.

वीज कोसळल्याने चर्चच्या बाजूचा एका बुरुज कोसळला आहे, असे चर्च समितीचे सदस्य लॉरेन्स सिल्वेरा यांनी माध्यमांना सांगितले. बुरुजाचे दगडं मंगलोरी कौलावर पडल्याने छताच्या काही भागाचे नुकसानही झाले आहे. तसेच चर्चच्या आतमधील विद्युत उपकरणांचे नुकसान झाले, असल्याची माहिती सिल्वेरा यांनी दिली.

Sinquerim church tower collapsed due to lightning
भाजप राष्ट्रीय युवा मोर्चाची नवी दिल्लीत बैठक

शनिवारी रात्री दहाच्या सुमारास घडलेल्या या घटनेवेळी चर्चमध्ये कोणीही उपस्थित नव्हते त्यामुळे सुदैवाने कुठलीही जिवीत हानी झाली नाही. 2005-06 मध्ये, अशीच एक घटना घडली होती आणि त्याच टॉवरवर वीज कोसळली होती. शनिवारच्या रात्री विजेच्या गडगडाटासह गोव्यात वादळी पाऊस कोसळला. आणि राज्यातील काही भागांना या वादळी पावसाचा फटका बसला.

Sinquerim church tower collapsed due to lightning
Goa: यंदाच्‍या पर्यटन हंगामात शॅक्‍स वाढण्याची शक्यता

या चर्चचे बांधकाम 1630 मध्ये पोर्तुगीज काळात झाले होते. मांडोवी नदीच्या तोंडाकडे असलेल्या एका निसर्गरम्य ठिकाणी हे चर्च बांधण्यात आले, त्याला 'साओ लुरेंको इग्रेजा एम सिनक्वेरिम' (Sao Lourenco Igreja em Sinquerim) म्हणून ओळखले जाते. भारतीय पुरातत्व सर्वेक्षण विभागाने (ASI) जुन्या गोव्याच्या जागतिक वारसा संकुलात शतकानुशतके जुन्या स्मारकांमध्ये अतिरिक्त विद्युल्लता संरक्षण यंत्रणा बसवली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com