Smart City: ‘स्मार्ट’ शहरांमुळे जीवनमान उंचावेल -मुख्यमंत्री डॉ. प्रमोद सावंत

सर्व शहरांनी दीर्घकालीन महसूल मॉडेल निश्‍चित करण्याची गरज असल्याचे मत मुख्यमंत्री डॉ. प्रमोद सावंत यांनी काल व्यक्त केले.
Panjim |Smart City
Panjim |Smart CityDainik Gomantak

Smart City: स्मार्ट शहरे ही केवळ स्वप्ने किंवा सैद्धांतिक संकल्पना नसून, लोकांचे जीवनमान उंचावण्याची सर्वात मोठी संधी आहे. स्मार्ट सिटी अभियानांतर्गत निर्माण होणाऱ्या पायाभूत सुविधांवर आधारीत सर्व शहरांनी दीर्घकालीन महसूल मॉडेल निश्‍चित करण्याची गरज असल्याचे मत मुख्यमंत्री डॉ. प्रमोद सावंत यांनी काल व्यक्त केले.

पणजीत स्मार्ट सिटीच्या मुख्य कार्यकारी अधिकाऱ्यांच्या डेटा आणि तंत्रज्ञान परिषदेचे उद्‍घाटन मुख्यमंत्र्यांच्या हस्ते काल झाले. या दोन दिवसीय परिषदेला देशभरातील शंभरहून अधिक स्मार्ट शहरांचे सीईओ उपस्थित होते.

इमॅजिन पणजी स्मार्ट सिटी डेव्हलपमेंट लिमिटेडच्या समन्वयाने केंद्रीय गृहनिर्माण आणि शहरी व्यवहार मंत्रालयाच्या वतीने ही परिषद होत आहे. याप्रसंगी महापौर रोहित मोन्सेरात, अभियान संचालक कुणाल कुमार उपस्थित होते.

स्मार्ट सिटी योजनेंतर्गत पणजीतील एकात्मिक कमांड अँड कंट्रोल सेंटर, इलेक्ट्रिक बसेस, मांडवी प्रोमेनेड यासारख्या प्रकल्पांच्या माध्यमातून महसूल निर्मितीला मोठा वाव आहे. असे आयपीएससीडीएलचे सीईओ मामू हागे यांनी सांगितले.

Panjim |Smart City
Mahadayi Water Dispute: म्हादई आंदोलनात असलेल्‍यांची गळचेपी ?

काही एजन्सींचे काम संथगतीने

पणजी शहरात स्मार्ट सिटीच्या कामांबाबत लोकांच्या तक्रारी वाढल्या आहेत, त्याबाबत उत्तर देताना मुख्यमंत्री म्हणाले, स्मार्ट सिटीचे वेगवेगळ्या एजन्सींना काम दिलेले आहे. त्यापैकी काही एजन्सींचे संथगतीने काम सुरू आहे.

स्मार्ट सिटींतर्गत ज्ञानसेतू, खारफुटीतील लाकडी पदपूल पूर्ण झाले आहे. सांतिनेज खाडीचे काम हाती घेण्यात आले आहे. शहरातील काही प्रस्तावित कामांचे आराखडे तयार करून पाठविले आहेत, ते मंजूर होऊन येतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com