Smriti Irani : 'सिली सोल्स' प्रकरणात सरकारकडून स्मृती इराणींची पाठराखण

नगरनियोजन खात्याच्या अधिकाऱ्यांची कारवाईस टाळाटाळ सुरू; आयरिश रॉड्रिग्ज यांचा आरोप
Smriti Irani Illegal Hotel Construction in Goa
Smriti Irani Illegal Hotel Construction in GoaDainik Gomantak 

Smriti Irani Silly Souls : केंद्रीय महिला आणि बालकल्याण मंत्री स्मृती इराणी यांच्या कुटुंबीयांच्या कथित मालकीचे हॉटेल आसगाव येथे आहे. या वादग्रस्त हॉटेलविरोधात टीसीपी अधिकाऱ्यांनी कारवाई करू नये, यासाठी त्यांच्यावर सरकारचा दबाव असल्याचा आरोप आहे.
नगरनियोजन खात्याच्या अधिकाऱ्यांनी या बेकायदेशीर बांधकामाविरोधात कारवाई करू नये, यासाठी सरकार त्यांच्यावर दबाव आणत असल्याचा आरोप सामाजिक कार्यकर्ते ॲड. आयरिश रॉड्रिग्स यांनी केला आहे. गेला महिनाभर विविध कारणांसाठी हे हॉटेल आणि केंद्रीय मंत्री स्मृती इराणी वादात आहेत.

आसगाव पंचायतीने या हॉटेलला बांधकाम परवाना दिलेला नाही. त्यासंदर्भात अधिकृत माहिती मिळाल्यानंतर ॲड. रॉड्रिग्स यांनी पंचायत संचालकांकडे तक्रार नोंदवली होती. 28 जुलै रोजी त्यांनी आणखी एक तक्रार मुख्य नगरनियोजकांकडे नोंदवली आहे. भाडेतत्त्वावर देण्यात आलेल्या शेतात मातीचा भर घालून या हॉटेलचे बांधकाम करण्यात आल्याचे या तक्रारीत म्हटले होते.

गेला महिनाभर स्मृती इराणींच्या कथित हॉटेल प्रकरणात ॲड. रॉड्रिग्स यांनी अक्षरश: मोहीम उभारली असून, काँग्रेस नेत्यांना जमले नाही, तेवढ्या तीव्रतेने ते हा विषय हाताळत आहेत. न्यायालयाने ज्या घाईघाईने या प्रकरणात निर्णय दिला, त्याबाबतही रॉड्रिग्स यांनी यापूर्वी नापसंती व्यक्त केली आहे. ॲड. रॉड्रिग्स यांनी राष्ट्रीय वृत्तवाहिन्यांवरही या विषयावर भाष्य केले आहे. काँग्रेस पक्षाने बेकायदा हॉटेल प्रकरणात स्मृती इराणीने राजीनामा द्यावा, अशी मागणी यापूर्वीच केली आहे.

Smriti Irani Illegal Hotel Construction in Goa
Smriti Irani : ‘सिली सोल्स’ प्रकरणामध्ये स्मृती इराणींचा पाय खोलात

टीसीपीचा हलगर्जीपणा

आयरिश रॉड्रिग्स यांच्या मते, त्यांच्या तक्रारीची टीसीपी खात्याने त्वरित दखल घेणे आवश्‍यक होते. पंचायतीची मान्यता नसताना बांधकाम कसे उभे झाले, शेतात भर घालण्यात आला व कच्चे बांधकाम उभे झाले, याबाबत टीसीपी खाते- जे अलीकडे राजकीय प्रतिस्पर्ध्यांच्या विरोधात हात धुऊन लागले आहे. त्यांनी या प्रकरणात ताबडतोब कारवाई सुरू करणे आवश्‍यक होते. परंतु तक्रार करूनही गेले काही दिवस टीसीपीने हलगर्जी चालवली आहे आणि तक्रारीची दखल घेतली जात नाही, याबद्दल अॅड. रॉड्रिग्स उद्विग्न बनल्याचं चित्र आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com