स्मृती इराणींचा काँग्रेसच्या राष्ट्रीय नेत्यांवर पलटवार

स्मृती इराणी यांनी मुलीवर आरोप केल्याप्रकरणी काँग्रेसच्या राष्ट्रीय नेत्यांना कायदेशीर नोटीस पाठवली आहे
Smriti Irani
Smriti IraniDainik Gomantak

गोवा: केंद्रीय मंत्री स्मृती इराणी यांनी पवन खेरा, जयराम रमेश आणि नेट्टा डिसोझा या तीन काँग्रेस नेत्यांना कायदेशीर नोटीस पाठवली आहे. तसेच काँग्रेस पक्षाला बदनामी करण्याच्या तिरकस हेतूने कट्टर आणि भांडखोर वैयक्तिक हल्ल्यांची मालिका सुरू करण्याचा कट रचला आहे. नोटीसमध्ये भाजप नेते आणि त्यांच्या मुलीवर केलेल्या “निराधार आणि खोट्या” आरोपांसाठी काँग्रेस आणि त्यांच्या नेत्यांनी माफी मागावी अशी मागणी करण्यात आली आहे.

(Smriti Irani sends legal notice to Congress national leaders over allegations against daughter)

Smriti Irani
मत्स्योद्योग खात्याच्या अधिकाऱ्यांनी वीस नौका जाम केल्या; 364 किलो मासळीचा लिलाव

स्मृती इराणी यांच्या मुलीवर गोव्यात सुरू असलेल्या बारचा परवाना बनावट असल्याचा आरोप करण्यात आला आहे. हा परवाना बनावट पद्धतीने देण्यात आल्याचा काँग्रेस नेत्यांचा दावा आहे. त्यामुळे या बार परवान्याची चौकशी व्हायला हवी अशी मागणी कॉंग्रेसने केली आहे

याविरोधात आज गोव्यात युवक काँग्रेसतर्फे निदर्शने करण्यात आली. स्मृती इराणी यांचा आसगाव बार्देश येथील बेकायदेशीर कॅफे आणि बार त्वरित बंद करण्यासाठी युवक काँग्रेसच्या सदस्यांनी कुलूप आणि चावी पोलिसांकडे सुपूर्द केली.

याचबरोबर स्मृती इराणी यांच्या राजीनाम्याची जोरदार मागणी यावेळी युवा कॉंग्रेसच्या सदस्यांकडून करण्यात आली आहे. एकंदरीत परिस्थितीमुळे स्मृती इराणी यांच्या अडचणीत वाढ झाली आहे.

दरम्यान, स्मृती इराणी यांची मुलगी झोईश हिचा काहीही संबंध नाही. विरोधकांनी केलेले सर्व आरोप निराधार असून आरोप राजकीय सूडबुद्धीने केले असल्याचे स्पष्टीकरण झोईश यांचे वकिल किरत नागरा यांनी दिले. झोईश यांनी देखील एका निवेदनाद्वारे अवैध रेस्टॉरंट, बारची मालकी आपल्याकडे नसल्याचे स्पष्ट केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com