सासष्टी: एखाद्या मतदारसंघाचा विकास केवळ आमदारावर अवलंबुन नसतो. तर त्या मतदारसंघातील पंचायतीचे सहकार्य लाभणे तेवढेच महत्वाचे असते, असे प्रतिपादन नावेलीचे आमदार उल्हास तुयेकर यांनी केले. रुमडामळ पंचायतीने बांधलेल्या मार्केट कॉम्प्लेक्सचे उदघाटन केल्यावर ते बोलत होते. यावेळी सरपंच, उपसरपंच व सर्व पंच उपस्थित होते.
‘नावेली मतदारसंघातील इतर पंचायत क्षेत्रातही अशा प्रकारचे मार्केट कॉम्प्लेक्स बांधण्यास आपले सदैव सहकार्य लाभेल. मात्र, पंचायतीने त्यासाठी जागा उपलब्ध करुन देणे गरजेचे आहे. रुमडामळ दवर्ली परिसरात लोकसंख्या वाढलेली आहे. रस्त्यावर काही लोक फळे, भाजी, मासळी वगैरे विकायला बसतात. त्यामुळे वाहतुकीला अडथळा होतो’ असे आमदार तुयेकर म्हणाले. हे मार्केट जिल्हा पंचायतीकडून मिळालेल्या 15 लाख रुपये अनुदान खर्चुन बांधण्यात आले आहे. शिवाय आत्मनिर्भर योजने अंतर्गत जो निधी मिळाला त्यातून पंचायतीने कचरा विल्हेवाट मशीन, सीसीटीव्ही कॅमेरे, सोलर लाईटची खरेदी केल्याची माहिती देण्यात आली. माजी आमदार लुईझीन फालेरो यांचेही याकामी सहकार्य लाभले याचा उल्लेख यावेळी करण्यात आला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.