Mahadayi River: ...तर चाळीसही आमदारांनी घरी बसावे-प्रताप गावस यांचा इशारा

साखळीतील 'म्हादई बचाव'सभेस उपस्थित राहण्याचे आवाहन
Mahadayi River | Mahadayi Water Disput
Mahadayi River | Mahadayi Water DisputDainik Gomantak

'म्हादई' हे आमचे अस्तित्व आहे. सर्वांची आई तथा जीवनदायीनी म्हादईवर ओढवलेले संकट दूर करण्यासाठी चाळीसही आमदारांनी पुढाकार घ्यावा. तशी इच्छा नसेल, तर नुसत्या खुर्च्या तापविण्यापेक्षा चाळीसही आमदारांनी राजीनामा देऊन घरी बसावे. (Mahadayi Water Disput)

असा सज्जड इशारा माजी आमदार प्रताप गावस यांनी दिला आहे. साखळी येथे आयोजित केलेल्या 'म्हादई बचाव' 'जनमत कौल' सभेच्या पार्श्वभूमीवर जागृती करण्यासाठी गुरुवारी (ता. 12) सायंकाळी साखळी येथे घेतलेल्या पत्रकार परिषदेत प्रताप गावस बोलत होते.

साखळी येथे वाळवंटी नदीकाठी घेतलेल्या पत्रकार परिषदेवेळी सुनीता वेरेकर आणि मंगलदास नाईक उपस्थित होते. पाणी ही प्रत्येक प्राणीमात्राची गरज आहे. म्हादई वाचली नाही, तर पूर्ण गोव्याचे अस्तित्व धोक्यात येईल.

अशी भीती प्रताप गावस यांनी व्यक्त करुन, जीवनदायीनी म्हादईच्या अस्तित्वासाठी साखळीतील जाहीर सभेस लोकांनी मोठ्या संख्येने उपस्थित रहावे. असे आवाहनही त्यांनी केले.

Mahadayi River | Mahadayi Water Disput
Vasco : वास्कोतील बॉक्साईट - कोळशाच्या बेकायदेशीर वाहतुकीला स्थानिकांचा विरोध, गोवा फर्स्टने केली 'ही' मागणी

सरकार निद्रिस्त

'म्हादई'प्रश्नी राज्य सरकार निद्रिस्त आहे. ते केवळ गोमंतकियांच्या डोळ्यांना पाने पुसत आहे. असा आरोप सुनीता वेरेकर यांनी केला.

'म्हादई'मुळेच आमचा निसर्ग टिकून आहे. तीच्यामुळेच आम्ही जगत आहोत. म्हादई वळविली, तर भविष्यात निसर्गासह प्रत्येक प्राणीमात्रांचे अस्तित्व संकटात येईल. अशी भीती सुनीता वेरेकर यांनी व्यक्त केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com