Francisco Sardinha: पक्षाने उमेदवारी दिल्यास नक्की लढणार; पण ही माझी शेवटची निवडणूक असेल

MP Francisco Sardinha on contesting Loksabha Election 2024: जर पक्षाने उमेदवारी दिली तर आगामी लोकसभा निवडणूक नक्की लढवणार, असा विश्वास दक्षिण गोव्याचे खासदार फ्रान्सिस सार्दिन यांनी व्यक्त केला आहे.

गोव्यात लोकसभेचे उत्तर गोवा आणि दक्षिण गोवा असे दोन मतदारसंघ आहेत. पैकी गत लोकसभा निवडणुकीत उत्तर गोव्यातून भाजपचे श्रीपाद नाईक विजयी झाले होते तर दक्षिण गोव्यातून काँग्रेसचे फ्रान्सिस सार्दिन विजयी झाले होते.

दरम्यान, गेल्या काही काळात भाजपने दक्षिण गोव्यातील जागा देखील जिंकण्यासाठी कंबर कसली आहे. त्यासाठी केंद्रीय गृहमंत्री अमित शाह यांनी फोंड्यात सभा घेऊन लोकसभा निवडणुकीचे रणशिंगही फुंकले.

त्यावर आता दक्षिण गोव्याचे विद्यमान काँग्रेस खासदार सार्दिन यांनी मत व्यक्त केले आहे. सार्दिन म्हणाले की, पक्षाने तिकीट दिले तर मी नक्की निवडणूक लढवणार. पक्षाच्या अनेक कार्यकर्त्यांचा आग्रह आहे की, मी ही निवडणूक लढवावी.

तथापि, ही निवडणूक माझी अखेरची निवडणूक असेल, असेही सार्दिन म्हणाले आहेत.