Goa Eelection: जिल्हा पंचायतीसाठी रेईशमागूस, दवर्ली आणि कुठ्ठाळी या तीन ठिकाणी 16 ऑक्टोबर रोजी पोटनिवडणूक होणार आहे. 18 ऑक्‍टोबरला मतमोजणी होईल. सदस्यांनी राजीनामा दिल्यानंतर या जागा रिक्त झाल्या होत्या. राज्य निवडणूक आयोगाने काल पोटनिवडणुकीचा आदेश जारी केला.
पोटनिवडणुकीसाठी निवडणूक अधिकारी नियुक्त करण्यात आले असून उपजिल्हाधिकारी निर्वाचन अधिकारी असतील. काल बुधवारपासून पोटनिवडणूक असलेल्या क्षेत्रात आचारसंहिता लागू करण्यात आली असल्याचे आयोगाने आपल्या आदेशात स्पष्ट केले आहे. रेईशमागूस जागा इतर मागासवर्गीय ओबीसी (OBC), दवर्ली (सामान्य) आणि कुठ्ठाळी (अनुसूचित जमाती) अशा राखीव असतील.
विधानसभा निवडणूक लढण्यासाठी या जिल्हा पंचायत सदस्यांनी राजीनामा दिली होता. त्‍यात रेईशमागूसचे रुपेश नाईक, दवर्लीचे उल्हास तुयेकर आणि कुठ्ठाळीचे आंतोनियो वाझ यांचा समावेश आहे. विधानसभा निवडणुकीत तुयेकर नावेली मतदारसंघातून तर वाझ कुठ्ठाळी मतदारसंघातून विजयी झाले होते. परंतु नाईक यांना साळगावात पराभव पत्‍करावा लागला होता.त
निवडणुकीचा तपशील-
* अर्ज भरण्‍याची मुदत: गुरुवार 6 ऑक्टोबर सकाळी 10 ते दुपारी 1 वाजेपर्यंत.
* अर्जांची छाननी: शुक्रवार 7 ऑक्टोबर सकाळी 10 ते दुपारी 1 वाजेपर्यंत.
* अर्ज मागे घेण्‍याची मुदत: शनिवार 8 ऑक्टोबर सकाळी 10 ते दुपारी 1 वाजेपर्यंत.
* रेईशमागूस: (एकूण मतदार 18,467) (मतदान केंद्रे 26)
* दवर्ली: (एकूण मतदार 20,018) (मतदान केंद्रे 26)
* कुठ्ठाळी: (एकूण मतदार 17,034) (मतदान केंद्रे 22)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
