पणजी: शिरोडा (shiroda) मतदारसंघाच्या गोवा फॉरवर्ड पक्षाच्या (Goa Forward Party) गटाध्यक्षपदी पंचवाडी पंचायतीचे माजी सरपंच व विद्यमान पंच विशांत गावकर यांची नियुक्ती करण्यात आल्याची माहिती पक्षाचे संघटन सचिव दुर्गादास कामत (Durgadas Kamat) यांनी दिली. गेल्या काही दिवसांपासून पक्षाचा विस्तार तसेच पक्षाची रचना करण्याचे आदेश अध्यक्षांनी दिले आहेत त्यानुसार पक्षाचे काम वेगाने सुरू करण्यात आले आहे, असे ते म्हणाले. यावेळी त्यांच्यासोबत पक्षाचे नेते अकबर मुल्ला उपस्थित होते.
१६ हजार लिटरपर्यंत लोकांना मोफत पाणी देण्याचे दिलेले आश्‍वासन दिशाभूल करणारे आहे. सरकारने १६ हजार लिटरपर्यंत पाण्याचे बिल शून्य असले तरी त्यानंतरच्या प्रति घनमीटर बिलात वाढ केली आहे. त्यामुळे मोफत असे काही नाही हे आता लोकांनाही कळून चुकले आहे.आगामी निवडणुकीसाठी युतीसंदर्भातची बोलणी अध्यक्ष विजय सरदेसाई निर्णय घेणार आहेत. त्यासंदर्भाची बोलणी सुरू आहे. कला अकादमी घोटाळासंदर्भात योग्यवेळी निर्णय त्याविरुद्ध न्यायालयात दाद मागितली जाईल असे दुर्गादास कामत यांनी सांगितले.
दरम्यान, शिरोडा गटाध्यक्ष विशांत गावकर म्हणाले की, येत्या काही दिवसांत गट समिती निवड करण्यात येईल. २०१७ पासून गोवा फॉरवर्डमध्ये प्रवेश केल्यानंतर पंचवाडी पंचायतीवर निवडून आलो. सरपंच झाल्यावर या पक्षाच्या मदतीने अनेक विकासकामे पंचवाडी पंचायतीत करण्यात आल्याचे ते म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
