डिचोलीत तीन दुचाकींमध्ये विचित्र अपघात

तिन्ही दुचाकी स्वार पडले रस्त्यावर
Strange accident in three bikes in bicholim
Strange accident in three bikes in bicholimDainik Gomantak

डिचोली : डिचोली-साखळी मुख्य रस्त्यावरील वाठादेव येथे तीन दुचाकींमध्ये झालेल्या विचित्र अपघातात एक जखमी झाला आहे. आज शनिवारी सायंकाळी सातच्या सुमारास जलस्रोत खात्याच्या इमारतीसमोर हा अपघात (Accident) घडला. अपघातातील जखमीला उपचारासाठी डिचोली सामाजिक आरोग्यकेंद्रात नेण्यात आले. अपघात नेमका कसा झाला, त्याची माहिती मिळू शकली नाही. मात्र समोरासमोर आणि बाजूने मुख्य रस्त्यावर आलेल्या दुचाकीस्वारांमध्ये गोंधळ उडाल्याने हा अपघात घडल्याचे समजते.

तिन्ही दुचाकी स्वार रस्त्यावर पडले. अपघातस्थळी लोकांनी गर्दी केली होती. काहीवेळ मुख्य रस्त्यावरील वाहतूकही (traffic) खोळंबली. डिचोली पोलिसांना अपघाताची माहिती मिळताच त्‍यांनी घटनास्थळी जाऊन पंचनामा केला. अधिक तपास सुरू आहे.

Strange accident in three bikes in bicholim
आर्लेम परिसरात कार-दुचाकीच्या अपघातात एकाचा बळी, एक जखमी

दरम्यान, आज बोरी येथील जुन्या पुलाच्या खाली झुवारी नदीच्या पात्रात फातोर्डा-मडगाव येथील एका विद्यार्थ्याचा मृतदेह आज (शनिवारी) दुपारी आढळला. माहिती मिळाल्‍यानंतर पोलिसांनी घटनास्‍थळी धाव घेऊन मृतदेह पाण्याबाहेर काढला. विद्यार्थ्याचे नाव आर्यन राजेंद्र बरड (18) असे असून तो मठरस्ता घोगळ-फातोर्डा येथील रहिवासी असल्याचे स्पष्ट झाले.

पोलिसांनी (police) दिलेल्या माहितीनुसार, आर्यन हा बारावीत शिकत होता व पुढच्या आठवड्यात वार्षिक परीक्षा असल्याने तो तणावाखाली होता. आज सकाळी तो घरातून गायब झाल्याचे निदर्शनास येताच बरड कुटुंबीयांची धावपळ उडाली. आर्यनचा सगळीकडे शोध घेण्यात आला, पण तो सापडला नाही. दुपारी त्याचा मृतदेह बोरी येथे पाण्यात तरंगत असल्याचे निदर्शनास आले. प्रथमदर्शनी ही आत्महत्या असल्याचे स्पष्ट झाल्याचे पोलिसांनी सांगितले. फोंडा (Ponda) पोलिसांनी पंचनामा केला व मृतदेह चिकित्सेसाठी हॉस्पिटलमध्ये पाठवला. अधिक तपास सुरू आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com