मडगाव रेल्वे स्थानकाजवळ हटविलेले गाडे पुन्हा सुरू!

या गाड्यांविरुद्ध नगरपालिका पुन्हा काय निर्णय घेते यावर सर्वांचे लक्ष लागून राहिले आहे.
Goa Food Stall
Goa Food StallDainik Gomantajk

फातोर्डा: मडगाव येथील कोकण रेल्वे स्थानकासमोरील पदपथावरील हटविलेले गाडे पुन्हा स्थापन करण्यात आले आहेत. या गाड्यांविरुद्ध नगरपालिका पुन्हा काय निर्णय घेते यावर सर्वांचे लक्ष लागून राहिले आहे.

(Street stalls removed near Madgaon railway station resume)

Goa Food Stall
कोविडने आणखी एकाचा बळी; 138 नवीन रूग्ण

मडगाव नगरपालिकेने पालिका क्षेत्रात पदपथावर, रस्स्त्याच्या शेजारी बेकायदेशीरपणे चालत असलेल्या व्यवसायावर कारवाई करून ते हटविण्याची मोहीम सुरू केली आहे. कोकण रेल्वे स्थानकासमोरील पदपथावरील पाव ऑम्लेट व इतर खाद्यपदार्थ विक्रीचे गाडे मागील आठवड्यात कारवाई करून हटविण्यात आले होते. या दरम्यान पालिका कर्मचारी व गाडेवाले यांच्यात शाब्दिक चकमकही उडाली होती. तसेच परवाना असताना नगरपालिका राजकीय दबावाखाली येऊन कारवाई करीत असल्याचा आरोप येथील गाडेवाल्यांनी केला होता.

गाडे स्थापन न करण्याची तंबीही या गाडेवाल्यांना पालिकेच्या अधिकाऱ्यांनी दिली होती.

या गाडेवाल्यांनी परवानगी घेऊन मागील 15 वर्षांपासून येथे व्यवसाय करीत असल्याचे म्हटले आहे. त्यामुळे पुन्हा नगरपालिका या गाड्यांवर कारवाई करणार का असा प्रश्न उपस्थित झाला आहे. राज्यात पदपथावर व्यवसाय करण्यास कायद्याने बंदी आहे. तरीही मडगाव परिसरात पदपथ अडवून बेकायदेशीर व्यवसाय सुरूच आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com