Goa Traffic Violation गोव्यातील वाढत्या रस्ते अपघातांना आळा बसावा यासाठी वाहतूक पोलीस सक्रिय झाले असून वेगमर्यादेचे उल्लंघन करणारे, विना हेल्मेट प्रवास करणारे, सिग्नल नियम ना पाळणारे अशा सर्वांवर कारवाईचा बडगा उगारण्यात येत आहे. त्यासाठी गर्दीच्या ठिकाणी वाहतूक पोलीस कार्यरत असून सोबतीला सीसीटीव्ही कॅमेरादेखील करडी नजर ठेऊन आहे.
या प्रकरणी म्हापसा एसडीपीओ जिवबा दळवी यांनी सविस्तर माहिती दिली. वाहतूक नियमांचे उल्लंघन केल्याप्रकरणी हणजुण, म्हापसा, कोलवाळ पोलीस स्टेशनमध्ये गुन्हे नोंद झाली आहे. हणजूण पोलीस स्टेशनमध्ये 1116 गुन्हे दाखल करण्यात आले असून दंडापोटी रु. 6,44,000/- जमा झाले आहेत.
तर म्हापसा पोलिस स्टेशनमध्ये 951 गुन्हे दाखल झाले असून दंडापोटी रु. 4,82,000/- जमा झाले आहेत. तर कोलवाळ पोलिस स्टेशनमध्ये 756 गुन्हे दाखल करण्यात आले असून दंडापोटी रु. 4,77,500/- जमा झाले आहेत.
तर सीसीटीव्ही आधारे हणजूण पोलिस स्टेशनने वाहतूक नियमांचे उल्लंघन करणाऱ्या 80 जणांना, म्हापसा पोलिस स्टेशनने 70 जणांना आणि कोलवळे पोलिस स्टेशनने 70 जणांना नोटिसा बजावल्या आहेत.
पोलिसांच्या अशा कडक कारवाईमुळे वाहनधारकांच्या मनात भीती निर्माण झाली आहे. त्यामुळे आता वाहतुक नियमांचे उल्लंघन होण्याची शक्यता कमी झाली असल्याचे दळवी यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
