Mandrem: मांद्रे हायस्कूलमध्ये विद्यार्थी गुणगौरव सोहळा उत्साहात

पुढील काळात विद्यार्थ्यांनी उपलब्ध संधीचा अभ्यास करून आवडीच्या क्षेत्रात करियर संधी शोधावे व भविष्य घडवावे
School
School Dainik Gomantak

मराठी अकादमीचा हा स्तुत्य उपक्रम असून विद्यार्थ्यांना प्रोत्साहन देण्याचा प्रयत्न आहे. गुणवंत विद्यार्थ्यांनी 90 टक्क्यांपेक्षा जास्त गुण घेऊन भाषेशी नाते सिद्ध केले. पुढील काळात उपलब्ध संधीचा अभ्यास करून आवडीच्या क्षेत्रात करियर संधी शोधा व भविष्य घडवा, मग तो शिक्षकी पेशासुद्धा असू शकतो, असे प्रतिपादन मांद्रे हायस्कूलचे मुख्याध्यापक विवेक बोडके यांनी केले.

गोवा मराठी अकादमी पणजी व मांद्रे प्रभाग समिती आयोजित विद्यार्थी गुणगौरव सोहळ्यात मांद्रे हायस्कूलच्या सभागृहात प्रमुख पाहुणे म्हणून ते बोलत होते. या सोहळ्यात दहावी व बारावी मिळून 80 मुलांचा गौरव केला. व्यासपीठावर श्री गणेश उच्च माध्यमिक विद्यामंदिराचे प्राचार्य गजानन मांद्रेकर, गोवा मराठी अकादमी मांद्रे प्रभागाचे अध्यक्ष नरेंद्र नाईक, मोरजी विद्याप्रसारक हायस्कूलचे मुख्यध्यापक दिलीप मेथर, प्रभाग सचिव सुभाष शेटगांवकर होते.

School
Goa Culture : मगर आणि माणूस; एक बंधन

यावेळी मान्यवरांच्या हस्ते विद्यार्थी व मार्गदर्शक शिक्षकांचा गौरव केला. हरमल पंचक्रोशी हायस्कूलच्या शिक्षिका पूजा बांधकर व हायर सेकंडरीचे अध्यापक स्वप्नील शेटगांवकर यांनी मनोगत व्यक्त केले. शिक्षिका दिया गडेकर यांनी मान्यवरांना पुष्पगुच्छ देऊन स्वागत केले. शिक्षक दिलीप म्हामल यांनी मान्यवरांचा परिचय करून दिला. बक्षीस वितरण कार्यक्रमाचे निवेदन शिक्षिका सुजाता पार्सेकर व स्नेहा बुडके तर कार्यक्रमाचे सूत्रसंचालन अर्चना परब व शिक्षिका फेलेशिया फेर्नांडिस यांनी आभार मानले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com