विद्यार्थ्यांनी न घाबरता परीक्षेला सामोरे जावे : सुभाष फळदेसाई

कुडचडे सरकारी तंत्रनिकेतन विद्यालयाचा रौप्यमहोत्सवी सोहळा उत्साहात
Students writing exam
Students writing examDainik Gomantak

केपे : विद्यार्थ्यांनी कोणत्याही परीक्षेला न घाबरता सामोरे गेले पाहिजे. पास व नापास होण्याची भीती मनात न बाळगता येणाऱ्या अडचणींवर मात केल्यास त्याला यशाच्या शिखरावर पोहचण्यापासून कोणीच अडवू शकणार नाही, असे उदगार समाज कल्याणमंत्री सुभाष फळदेसाई यांनी काढले. ते कुडचडे येथील सरकारी तंत्रनिकेतन विद्यालयाच्या रौप्यमहोत्सवी वर्षानिमित्त आयोजित कार्यक्रमात बोलत होते. (Students should face the exam without fear says Subhash Faldessai)

Students writing exam
कचऱ्याचे वर्गीकरण न केल्यास होणार दंडात्मक कारवाई

यावेळी व्यासपीठावर मायकल डिसोझा, डॉ. विवेक कामत व अजित गावकर उपस्थित होते. आपल्या आयुष्यात अनेक आव्हाने उभी असतील, त्यांना तोंड देऊन पुढे गेल्यास आपले भवितव्य उज्वल होऊ शकते, असे फळदेसाई यांनी सांगितले. नापास होण्याच्या भीतीने किंवा नापास झालो म्हणून अनेक विद्यार्थी शिक्षण अर्ध्यावर सोडतात हे पूर्णपणे चुकीचे आहे. जीवन जगणे ही एक कला असून तणाव न घेता अभ्यास केल्यास बरेच अडथळे आपण सहज दूर करू शकतो, असे त्यांनी सांगितले.

Students writing exam
गोमंतकीय युवकांनी उद्योग सुरू करावेत

कुडचडे येथील ही सरकारी तंत्रनिकेतन शाळा छोट्या स्वरूपात सुरू केली होती व आज या शाळेची भव्य वास्तू उभी असून अनेक हुशार विद्यार्थी या शाळेने राज्याला दिले आहेत व ते आता चांगल्या पदावर आहेत, असे मायकल डिसोझा यांनी सांगितले. यावेळी गुणवंत विद्यार्थ्यांचा मान्यवरांच्या हस्ते गौरव करण्यात आला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com