गोव्यात उपनिरीक्षक भरतीत घोटाळा ; चौकशीसाठी पाच समित्या स्थापन

पोलिस अधिकाऱ्यांनी दिलेल्या माहितीनुसार, उपनिरीक्षक पदासाठी झालेल्या नोकरभरती प्रक्रियेत झालेली हेराफेरी खात्याच्या अंतर्गत चौकशीत उघडकीस आली आहे.
गोव्यात उपनिरीक्षक भरतीत घोटाळा ; चौकशीसाठी पाच समित्या स्थापन
Scam Dainik Gomantak

पणजी : पोलिस खात्यातील उपनिरीक्षक पदासाठीच्या भरती प्रक्रियेत घोटाळा झाल्याची टीका झाली होती. तसेच त्यामध्ये प्रथमदर्शनी तथ्य असल्याचे निदर्शनासही आले. यानंतर पोलिस महासंचालकांनी चौकशीसाठी उपअधीक्षकांच्या अध्यक्षतेखाली पाच विविध समित्या स्थापन केल्यात. त्याद्वारे उपनिरीक्षक पदासाठी झालेल्या उमेदवारांच्या शारीरिक कार्यक्षमता चाचणीचे व्हिडिओ फुटेज तपासण्यात येतील.

Scam
निलंबित ओडीपींमध्ये मोठा घोटाळा : मंत्री विश्‍वजीत राणे

पोलिस अधिकाऱ्यांनी दिलेल्या माहितीनुसार, उपनिरीक्षक पदासाठी झालेल्या नोकरभरती प्रक्रियेत झालेली हेराफेरी खात्याच्या अंतर्गत चौकशीत उघडकीस आली आहे. दोन उमेदवार हे शारीरिक कार्यक्षमता चाचणी अनुत्तीर्ण असूनही पात्र दाखविले. तसेच लेखी परीक्षेतही काही उमेदवारांना 95 ते 99 गुण मिळाल्याने संशय व्यक्त होत आहे.

फोंडा, वाळपई, मडगाव, पणजी तसेच आल्तिनो (पणजी) येथे या पाच ठिकाणी उपनिरीक्षक पदासाठी शारीरिक कार्यक्षमता चाचण्या झाल्या होत्या. त्यावर मोठ्या प्रमाणात खर्चही केला होता. गोवा क्रीडा प्राधिकरणाचे अधिकारी देखील या चाचण्यांमध्ये सामील होते. तर प्रत्येक ठिकाणी पोलिस अधीक्षकाच्या अध्यक्षतेखाली एक वेगळी समिती होती, ज्यामध्ये हे अधिकारी निरीक्षण करत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com