सासष्टी: कुडतरी येथील रायतळ्यात उडी घेऊन फातिमा बी शेख (22, चांदर) या विवाहितेने आत्महत्या केल्याची घटना शनिवारी संध्याकाळी उघडकीस आली. याप्रकरणी मायणा कुडतरी पोलिसांनी अनैसर्गिक मृत्यूची नोंद केली आहे. काल संध्याकाळी या महिलेने तळ्यात उडी घेतली.
उडी घेताच तळ्याजवळील लोकांनी लगेच अग्निशमन दलाला माहिती दिली. त्यांनी लगेच येऊन महिलेला पाण्यातून वर काढले, मात्र तोपर्यंत तिचा मृत्यू झाला होता. आत्महत्येमागचे कारण अद्याप स्पष्ट झाले नाही. पोलिसांनी या महिलेचा मृतदेह जिल्हा इस्पितळातील शवाघरात ठेवला असून याप्रकरणी पोलीस अधिक तपास करीत आहे.
विद्यार्थिनीची गळफास घेऊन आत्महत्या
राशोल येथे एका 18 वर्षीय विद्यार्थिनीने घरी गळफास लावून घेऊन आत्महत्या केल्याची घटना काल संध्याकाळी सातच्‍यादरम्‍यान घडली. तिच्‍या आत्महत्येचे कारण अद्याप स्पष्ट झालेले नाही. याप्रकरणी मायणा-कुडतरी पोलिसांनी अनैसर्गिक मृत्यू म्हणून प्रकरण नोंद केले आहे. पोलीस पुढील तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
