Goa Crime: दारूच्या नशेत झालेल्या भांडणातून मडगाव कदंब बस स्थानकावर राहणाऱ्या शिवप्पा (40) या मूळ गदग (कर्नाटक) येथील युवकाच्या डोक्यावर दगड घालून त्याचा खून केल्याचा आरोप असलेल्या ओमप्रकाश चंद (40) या मूळ दिल्ली येथील संशयिताला काल अतिरिक्त सत्र न्यायाधीश पूजा कवळेकर यांनी दोषी ठरविले.
या संशयिताचे म्हणणे आता गुरुवार दिनांक 9 फेब्रुवारी रोजी ऐकून घेतल्यावर त्याला शिक्षा ठोठावण्यात येणार आहे.
या प्रकरणी फातोर्डा पोलीस स्थानकाचे तत्कालीन पोलीस निरीक्षक नवलेश देसाई यांनी या प्रकरणी तपास लावला होता. या प्रकरणी पोलिसांची बाजू सरकारी वकील देवानंद कोरगावकर यांनी मांडली.
25 डिसेंबर 2018 रोजी घडली घटना
25 डिसेंबर 2018 रोजी दुपारी साडे तीन वाजण्याच्या सुमारास हे खून प्रकरण घडले होते. खून करून आरोपीने पळून जाण्याचा प्रयत्न केला मात्र कदंब बस स्थानकावर असलेल्या सीसी टीव्ही कॅमेऱ्यावर त्याची छबी टिपली गेली.
त्यावरून पोलिसांनी त्याला पकडले होते. नवलेश देसाई हे फातोर्डा पोलिस स्थानकाचे निरीक्षक असताना एकूण तीन खुनाच्या घटना नोंद झाल्या होत्या. त्या तिन्ही घटनांचा त्यांनी शिताफीने तपास लावून खुन्यांना शिक्षेपर्यंत पोहोचविले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
