सावर्डे परिसरात महिलेचा संशयास्पद मृत्यू

हा खून की अपघाती मृत्यू असा संभ्रम निर्माण झाला आहे
सावर्डे परिसरात महिलेचा संशयास्पद मृत्यू
woman's MurderDainik Gomantak

मडगाव : गुड्डेमळ सावर्डे येथे रस्त्याच्या कडेला एका सुमारे 50 वर्षीय अज्ञात महिलेचा मृतदेह आढळून आल्याने संशयास्पद वातावरण निर्माण झाले आहे. या महिलेचा मृत्यू दोन दिवसांपूर्वी झाला असण्याची शक्यता असून  हा खून की अपघाती मृत्यू असा संभ्रम निर्माण झाला आहे. (Suspicious death of a woman at Sanvordem)

हा मृतदेह गांधीनगर या भागातील जंगल सदृष्य जागेत आड रस्त्याच्या कडेला आढळून आल्याने संशयाचे वातावरण निर्माण झाले आहे. हा मृतदेह हॉस्पिसियो रूग्णालयात पाठवला असून हा खून की अपघाती मृत्यू हे शवंचिकित्सा केल्यानंतरच कळणार असे पोलिसांनी सांगितले. या महिलेच्या अंगावरील दागिने तसेच असल्याने हा चोरीसाठी केलेला खून असण्याची शक्यता फेटाळून लावली आहे.

 woman's Murder
शपथविधीवरील 5.59 कोटी खर्चाची ‘कॅग’कडे तक्रार, चौकशीची मागणी

आज दुपारी स्थानिकांनी आडवाटेला असलेला मृतदेह पाहिल्यावर पोलीसांना पाचारण केले. हा मृतदेह स्थानिकांपैकी नसल्याची माहिती असून तिच्या डोक्याला जखम झाल्याची खूण आहे. कदाचित खून करून नंतर हा मृतदेह या निर्जन जागेत आणून टाकला असावा अशी शक्यता व्यक्त करण्यात येत आहे.

पोलीस उप अधीक्षक संतोष देसाई यांना विचारले असता हा खुनाचा प्रकार असे वाटत नाही ही महिला खाली पडल्याने किंवा कुठल्यातरी वाहनाने तिला ठोकर दिल्याने तिचा मृत्यू झाला असावा अशी शक्यता आहे. मृत्यूचे कारण शवंचिकित्सा केल्यावरच कळेल असे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.