गोव्यात ‘टेलरिंग’ व्यवसाय येतोय पूर्वपदावर

शिंपी कामात व्‍यस्‍त; शाळा सुरू झाल्‍यामुळे तब्‍बल दोन वर्षांनी मिळाले हातांना काम
गोव्यात ‘टेलरिंग’ व्यवसाय येतोय पूर्वपदावर
Tailoring Business in GoaDainik Gomantak

डिचोली : कोविड महामारीमुळे अडचणीत आलेला कपडे शिवण्‍याचा (टेलरिंग) व्यवसाय आता हळूहळू पूर्वपदावर येऊ लागला आहे. जवळपास दोन वर्षांनी डिचोलीतील बहुतांश शिंपी आता टेलरिंग व्यवसायात व्यस्त असल्याचे दिसून येत आहेत. लग्नकार्ये आणि आता शाळाही सुरू झाल्याने ग्राहकांची पावले आता कपडे शिवून घेण्‍यासाठी शिंप्‍यांकडे वळू लागली आहेत. दरम्‍यान, शिलाईसाठी ग्राहक येत असले तरी कोविडची स्थिती नियंत्रणात राहिल्यास दोन वर्षांत झालेली आर्थिक नुकसान भरून काढण्यासाठी किमान एक वर्ष तरी प्रतीक्षा करावी लागणार, असे या शिंप्‍यांचे म्‍हणणे आहे.

Tailoring Business in Goa
राज्यात पुढील 3-4 तासांत पावसाची जोरदार हजेरी; हवामान खात्याचा अंदाज

डिचोली शहरात लहान-मोठे मिळून जवळपास पन्नास शिंपी आहेत. कोविडचा संसर्ग फैलावल्यानंतर टेलरिंग व्यवसायावर मोठा परिणाम झाला होता. लग्नकार्यांवर निर्बंध आले, त्यातच शाळाही बंद राहिल्याने कपडे शिलाईसाठी शिंप्‍यांना कोणी विचारतच नव्हते. परिणामी टेलरिंग व्यवसाय ठप्प झाला होता.

ग्राहक नसल्याने त्‍यांच्‍या आर्थिक कमाईचा स्रोत बंद झाला होता. कोविड काळात काही टेलरांनी आपली दुकाने बंद ठेवली होती. ते आर्थिक अडचणीत सापडले होते. आधीच रेडिमेड कपड्यांचा जमाना, त्यातच कोविडचे संकट, यामुळे काही टेलर तर कर्जबाजारी झाले आहेत.

Tailoring Business in Goa
कोंडी फुटणार; झुआरी पूल जुलैअखेरपर्यंत वाहतुकीसाठी खुला करणार

कोविडने हिरावला होता तोंडचा घास

कोविडची स्थिती नियंत्रणात आल्यानंतर हळूहळू लग्नकार्ये आदी समारंभ तसेच जत्रा, उत्सव पूर्वीप्रमाणे साजरे होऊ लागले आहेत. आता तर यंदाच्या शैक्षणिक वर्षांपासून शाळाही सुरू झाल्या आहेत. त्यामुळे टेलरांना कपडे शिलाईचे काम मिळू लागले आहे. शहरातील बहुतांश टेलर सध्या शिलाईच्या कामात व्यस्त असल्याचे दिसून येत आहे. त्यामुळे गेली दोन वर्षे ठप्प झालेल्‍या टेलरिंग व्यवसायला आता हळूहळू सुगीचे दिवस येत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com