कर्करोगापासून वेळीच खबरदारी घ्या: मुख्यमंत्री

Take timely precautions against cancer dr pramod sawant
Take timely precautions against cancer dr pramod sawant

डिचोली : कर्करोगा बाबतीत वेळीच उपचार सुरु केले, तर या जीवघेण्या रोगापासून आपले प्राण वाचू शकतात. तेव्हा कर्करोगाची लक्षणे जाणवल्यास वेळीच खबरदारी घेणे आवश्‍यक आहे. असे मत मुख्यमंत्री डॉ. प्रमोद सावंत यांनी व्यक्‍त केले. न्हावेली-डिचोली येथे महिलांसाठी आयोजित कर्करोगावरील जागृती कार्यक्रमाचे उद्‌घाटन केल्यानंतर मुख्यमंत्री प्रमुख पाहूणे या नात्याने बोलत होते.

राष्ट्रीय कर्करोग जागृती दिनाचे औचित्य साधून  साई लाईफ केअर या बिगर सरकारी संघटनेच्या सहकार्याने आग्नेल एन्टरप्रेनरशीप डेव्हलोपमेंट संस्थेने या कार्यक्रमाचे आयोजन केले होते. यावेळी वक्‍ते म्हणून नामवंत कर्करोग तज्ञ डॉ. शेखर साळकर उपस्थित होते. अन्य मान्यवरात न्हावेलीच्या सरपंच सौ. गावस आणि अन्य पंचसदस्य, आग्नेल एन्टरप्रेनरशीप डेव्हलोपमेंट संस्थेच्या नेहा तळावलीकर आणि सदस्य यांचा समावेश होता. डॉ. शेखर साळकर यांनी मार्गदर्शन करताना कर्करोगाची सध्याच्या आकडेवारीबद्‌दल माहिती दिली. कर्करोगासंबंधी वेगवेगळ्या टप्प्यातील उपचार पध्दतींचीही त्यांनी माहिती दिली. स्तनाचा कर्करोग टाळण्यासाठी महिलांनी कोणती काळजी घ्यावी आदी सल्लाही डॉ. साळकर यांनी दिला. 


सुरवातीच्या काळात वेळीच उपचार केलेत, तर या रोगावर मात करता येते. असेही त्यांनी सांगितले. यावेळी उपस्थित महिलांनी उपस्थित केलेल्या शंकांचे डॉ. साळकर यांनी निरसन केले. नेहा तळावलीकर यांनी स्वागत 
केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com