Mangrove Trees: तेरेखोल नदीकिनारी खारफुटीची झाडे लावण्यास उगवेवासियांचा पुढाकार

बेकायदेशीर रेती उत्खनन करून मोठ्या प्रमाणात शेतजमिनी नदीने गिळंकृत करून नदीपात्र मोठे झाले आहे.
Mangrove trees
Mangrove treesDainik Gomantak

तेरेखोल नदी पात्रात रेती व्यवसायामुळे ठप्प झालेला शेती व्यवसाय आणि नदी किनारा राखण्यासाठी उगवे गावातील शेतकरी आणि नागरिकांनी रविवारी नदीकिनारी खारफुटी झाडांची लागवड करून एकप्रकारे निसर्गाचे संवर्धन आणि नदीसंवर्धनाचा संदेश दिला आहे.

गेली अनेक वर्षे या भागात बेकायदेशीर रेती उत्खनन करून मोठ्या प्रमाणात शेतजमिनी नदीने गिळंकृत करून नदीपात्र मोठे झाले आहे. अनेकांची नारळांची झाडे आणि इतर बागायतीही नदीने गिळंकृत केली. अनेक झाडांना यापूर्वी जलसमाधी मिळालेली आहे.याचं कारण म्हणजे गेली अनेक वर्षे या भागात बेकायदेशीररित्या वाळू उत्खनन केले जाते. वारंवार तक्रारी करूनही रेती व्यवसायावर नियंत्रण आणण्यास सरकार पूर्णपणे अपयशी ठरले असल्याची प्रतिक्रिया या भागातील नागरिकांनी दिली.

Mangrove trees
Leopard Death News: कोपार्डे सत्तरीत सापळ्यात अडकून आणखी एका बिबट्याचा दुर्दैवी मृत्यू

रविवारी सकाळी गावातील नागरिक तसेच शेती व्यवसाय बागायतदारांनी वृक्षरोपण कार्यक्रमात भाग घेतला. यावेळी नदीकिनारी झाडे लावण्यात आली. शेतकरी उदय महाले म्हणाले की आम्ही गेली अनेक वर्षे सरकारदरबारी बेकायदेशीर रेती उत्खनन बंद व्हावे यासाठी संघर्ष करत आहोत. अनेकवेळा पत्रव्यवहार केला. पण काही उपयोग नाही. मोठ्या प्रमाणात हा व्यवसाय सुरूच आहे. नदी वाचवण्यासाठी आणि जमिनीचे संवर्धन करण्यासाठी ही मोहीम राबवली आहे,

Mangrove trees
Forest News: चरवणेत वन हक्क समितीच्या ग्रामसभेत 101 दावे मंजूर

गेल्या वीस वर्षांहून अघिक काळ या भागात बेकायदेशीर रेती उत्खनन सुरू आहे. पूर्वी या नदीचे पात्र सुमारे 30 ते 35 मीटर होते.दोन्ही बाजूने 30 ते 40 मीटर जमीन नदीने गिळंकृत केली आहे. त्यामुळे मोठ्या प्रमाणात शेतीचे मळे या नदीत समाविष्ट झाले आहेत. अनेक झाडे तसेच लहान कवाथे नदीच्या पात्रात गेलेले आहेत. वेळोवेळी विनंतीपत्र पाठवूनही सरकार कुठल्याच प्रकारे यावर निर्बंध घालत नसल्याने अखेर या भागातील ग्रामस्थांनी आज खारफुटी झाडांची लागवड करून नदीसंवर्धनासाठी पाऊल उचलले.

- शशिकांत महाले , माजी सरपंच, तांबसे मोप

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com