Karnataka Election Result कर्नाटकात विधानसभा निवणुकीत काँग्रेसच्या विजयानंतर गोव्यातील काँग्रेस नेत्यांकडून विविध प्रतिक्रिया येऊ लागल्या आहेत. राजकारणाला नवीन दिशा देणाऱ्या विजयाबद्दल कर्नाटक काँग्रेसचे अभिनंदन करत असल्याचे विरोधी पक्षनेते युरी आलेमाव यांनी म्हटले आहे. आगामी काळातही काँग्रेस पक्ष अग्रेसर राहील असेही त्यांनी यावेळी म्हटले.
कर्नाटकातील काँग्रेसच्या विजयाबाबत बोलताना युरी आलेमाव यांनी भाजपवर सडकून टीका केली आहे. या देशात सामान्य माणूस त्रस्त आहे.
महागाई, बेरोजगारी आणि भ्रष्टाचारामुळे प्रत्येक घराचे बजेट कोलमडले आहे. इव्हेंट मॅनेजमेंट आणि प्रसिद्धीसाठी हपापलेल्या भाजपसाठी हा धडा आहे, अशी टीका युरी आलेमाव यांनी केली आहे.
तसेच नुकत्याच प्रदर्शतीत झालेल्या 'द केरला स्टोरी' चित्रपटाचा संदर्भ देत त्यांनी सत्ताधाऱ्यांवर टीका केलीय.
कथानकांवर आधारीत सिनेमा बघण्यापेक्षा जनतेच्या हाल अपेष्टांकडे लक्ष देणे गरजेचे आहे हे कर्नाटकच्या निकालाने स्पष्ट झाले आहे असे युरी आलेमाव म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
