Goa: आजपासून हिवाळी अधिवेशन

अधिवेशनात म्हादई विषयावरून सत्ताधारी भाजपला कोंडीत पकडण्यासाठी विरोधकांनी रणनीती आखली आहे.
Goa Assembly Session 2023
Goa Assembly Session 2023Dainik Gomantak

Goa Assembly Session 2023: विधानसभेचे हिवाळी अधिवेशन सोमवारपासून सुरू होत असून चार दिवस चालणारे हे अधिवेशन म्हादई विषयावरून तापणार, हे स्पष्ट आहे. सत्ताधारी भाजपला कोंडीत पकडण्यासाठी विरोधकांनी रणनीती आखली आहे. या अधिवेशनासाठी १३४ तारांकित, तर ४७५ अतारांकित प्रश्‍न आले आहेत, अशी माहिती विधानसभा सचिव नम्रता उल्मन यांनी दिली.

Goa Assembly Session 2023
Mine Business: उर्वरित 86 खनिज ब्लॉकचा मार्चपर्यंत लिलाव करणार- मुख्यमंत्र्यांची ग्वाही

विधानसभा सदस्यांनी १३४ तारांकित, तर ४७५ अतारांकित प्रश्‍न विचारले असले, तरी हे चारदिवसीय अधिवेशन म्हादई या विषयावरूनच गाजणार आहे. या वर्षातील हे पहिले अधिवेशन असल्याने सोमवारी राज्यपाल पी. एस. श्रीधरन पिल्लई अभिभाषण करतील. तर १७ आणि १८ जानेवारीला या अभिभाषणावर आभाराची चर्चा होईल. १९ जानेवारीला संपूर्ण दिवस म्हादई विषयावर चर्चा होईल, असे सरकारने आधीच जाहीर केले असून कामकाज सल्लागार समितीच्या बैठकीमध्येही यावर शिक्कामोर्तब करण्यात आले आहे.

Goa Assembly Session 2023
Mahadayi River Issue : जनमत कौलदिनी ‘म्‍हादई बचाव’चा जागर

कर्नाटक आणि गोव्यामध्ये गाजत असलेल्या म्हादई प्रश्‍नावरून स्वतंत्र अधिवेशन घ्यावे किंवा म्हादईच्या विषयावर स्वतंत्र चर्चा व्हावी, यासाठी गेल्या अनेक दिवसांपासून विरोधक आक्रमक आहेत. कामकाज सल्लागार समितीच्या बैठकीमध्येही हा विषय तापला होता. विरोधकांनी हीच मागणी करत सरकारवर टीकास्त्र सोडले होते. आजपासून सुरू होत असलेल्या हिवाळी अधिवेशनात याचे पडसाद उमटणार, हे स्पष्ट झाले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com