फोंड्यातील वाहतूक कोंडीची समस्या कायम

पादचाऱ्यांना त्रास: जागा निश्चित करूनही बेशिस्त पार्किंग
फोंड्यातील वाहतूक कोंडीची समस्या कायम
problem of traffic jams in ponda persistsDainik Gomantak

फोंडा: फोंड्यात सध्या बेलगाम वाहतूक झाली असून हा भूलभुलैय्या सुटणे कठीण झाल्यासारखे वाटायला लागले आहे. खासकरून दादा वैद्य चौकात तसेच आल्मेदा स्कूलनजीक वाहतूक कोंडी होणे ही नित्याचीच बाब झाली आहे. वाहतूक पोलिस ठिकठिकाणी तैनात केले गेले असले, तरी वाहतुकीची समस्या सोडविणे त्यांच्याही आवाक्याबाहेरचे ठरत आहे.

(The problem of traffic jams in ponda persists)

 problem of traffic jams in ponda persists
महामार्गाला जोडणाऱ्या 'मिसींग लिंक' वर मोठ्या प्रमाणात भूस्खलन!

दादा वैद्य चौकाजवळ फोंड्याचा जुना बसस्थानक असल्यामुळे तेथे नेहमीच वाहतूक कोंडी होत असते. बसगाड्या आत - बाहेर करत असल्यामुळे तेथून जाणाऱ्या वाहनांना अनेक समस्यांचा सामना करावा लागतो.

जुना बसस्थानक ते फोंडा - तिस्क हे अंतर साधारण अर्धा किलोमीटरचे आहे, पण या अर्धा किलोमीटरच्या अंतरात या बसगाड्या अनेक थांबे घेत असतात. त्यामुळे मागून येणाऱ्या वाहनचालकांची तारांबळ उडते. तसेच रस्त्यावरील वाहनांच्या गर्दीचा पादचाऱ्यांना त्रास होत आहे. सध्या वाहतूक पोलिसांनी पार्किंगसाठी जागा निश्चित केली असली, तरी ती जागा अपुरी पडू लागली आहे.

 problem of traffic jams in ponda persists
गोव्यात नियोजनाचा फोलपणा ; रस्ते जलमय

एक किलोमीटरसाठी चक्क अर्धा तास!

वाहतूक कोंडीमुळे विठोबा मंदिर ते दादा वैद्य चौक हा साधारण एक किलोमीटरचा रस्ता पार करताना वाहनचालकांना अर्धातास खर्च करावा लागत आहे. चारचाकी वाहनांना तर अक्षरशः ‘धीरे धीरे चल’ अशा लयीत वाहन चालवावे लागते. या समस्येवर त्वरित तोडगा काढून वाहतूक सुरळीत करण्याची मागणी वाहनचालक करीत आहेत.

मंत्र्यांनी समस्या सोडविण्याची मागणी

फोंड्याचे आमदार रवी नाईक हेच या समस्येवर तोडगा काढू शकतात. मागे 2002 साली त्यांनीच बगल रस्ते करून फोंड्याची तेव्हाची वाहतूक समस्या नियंत्रणात आणली होती. आता त्याची पुनरावृत्ती होण्याची गरज आहे. कृषीमंत्री रवी नाईक यावर कोणती रणनीती आखतात याकडे सर्वांचे डोळे लागून राहिले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com