Panjim Smart City 'स्मार्ट सिटी'च्या धिम्यागतीने चालणाऱ्या कामाचा फटका पुन्हा एकदा माल वाहक ट्रकला बसला आहे. पणजी नजीकच्या मळा भागात शीतपेयांच्या बाटल्यांची वाहतूक करणाऱ्या या ट्रकाचे मागील चाक रुतले असून हा ट्रक एका बाजूने कलंडला आहे.
सदरची घटना आज दुपारी घडली. गोवा काँग्रेसने या घटनेचा व्हिडीओ सोशल मीडियावर शेअर करत ''भ्रष्ट आणि असंवेदनशील भाजप सरकारसाठी "ये दिल मांगे मोर'' सारखा हा क्षण'' असल्याचा उपहासात्मक टोला लगावला आहे.
दरम्यान मागील दोन महिन्यात मालवाहतूक ट्रक रस्त्यात रुतण्याचे बरेच प्रकार घडले आहेत. काही दिवसांपूर्वी पणजी सांतीनेज परिसरातील शीतल हॉटेलजवळ एक ट्रक रस्त्यात रुतून पूर्णपणे कलंडल्याने पुन्हा एकदा स्मार्ट सिटीच्या कामावर प्रश्नचिन्ह उभे राहिले होते.
'स्मार्ट सिटी'अंतर्गत पणजी शहरात रस्त्यांची कामे सुरु आहेत. जागोजागी रस्ते खणल्यामुळे वाहनचालकांना वाहतूक कोंडीचा सामना करावा लागतोय तसेच पायी प्रवास करणाऱ्यांना देखील जीव मुठीत घेऊन चालावे लागत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
